Ibisingizo (byose hamwe)

This is the title of the web page Ibisingizo by'Ukaristiya

Ibisingizo by’Ukaristiya
- Nihasingizwe Imana,
- Nihasingizwe izina ryayo ritagatifu.
- Nihasingizwe Yezu Kristu, Imana rwose n’umuntu rwose.
- Nihasingizwe izina rya Yezu.
- Nihasingizwe umutima we mutagatifu.
- Nihasingizwe amaraso ye matagatifu rwose.
- Nihasingizwe Yezu Kristu mu Isakaramentu ritagatifu ry’Ukaristiya.
- Nihasingizwe Roho Mutagatifu, Umuhoza.
- Nihasingizwe Umubyeyi w’icyubahiro w’Imana Bikira Mariya Mutagatifu.
- Nihasingizwe ubutasamanywe icyaha bwe butagatifu.
- Nihasingizwe ijyanwa ryo mu ijuru ryamwimakaje.
- Nihasingizwe izina rya Mariya, Umubikira n’Umubyeyi.
- Nihasingizwe Yozefu Mutagatifu, umugabo we udahinyuka.
- Nihasingizwe Imana mu Bamalayika no mu Batagatifu bayo.

---

Ibisingizo Impuhwe z'Imana

IBISINGIZO BY'IMPUHWE Z'IMANA

Mpuhwe z'Imana, wowe yobera rijimije ry'ubutatu butagatifu / Turakwiringiye
Mpuhwe z'Imana, wowe ugaragaza ububasha bwayo buhanitse / Turakwiringiye
Mpuhwe z'Imana, wowe waremye Roho zo mu ijuru / Turakwiringiye.
Mpuhwe z'Imana, wowe utuvana mu busa ukadushyira mu buzima /Turakwiringiye
Mpuhwe z'Imana, wowe ugenzura isi n'ikirere / Turakwiringiye
Mpuhwe z'Imana, wowe uduha ubuzima bw'iteka / Turakwiringiye.
Mpuhwe z'Imana, wowe uturinda ibihano twari dukwiriye / Turakwiringiye.
Mpuhwe z'Imana, wowe udukura mumakuba duterwa n'icyaha / Turakwiringiye.
Mpuhwe z'Imana, wowe wasakaye ku isi muri Jambo wigize umuntu / Turakwiringiye.
Mpuhwe z'Imana, wowe wagaragajwe by'umwihariko n'ibikomere bya Kristu / Turakwiringiye.
Mpuhwe z'Imana, wowe uva mu mutima Mutagatifu wa Kristu / Turakwiringiye.
Mpuhwe z'Imana, wowe waduhaye Bikira Mariya Mutagatifu ngo atubere Umubyeyi w'impuhwe zawe / Turakwiringiye.
Mpuhwe z'Imana, wowe ugaragarira muri kiliziya y'isi yose / Turakwiringiye.
Mpuhwe z'Imana, wowe uboneka mu masakaramentu matagatifu / Turakwiringiye.
Mpuhwe z'Imana, wowe usotse kandi usendereye mu isakaramentu rya batisimu n'iry'imbabazi / Turakwiringiye.
Mpuhwe z'Imana, wowe utagira urugero mu isakaramentu ry'ubusaseridoti n'iry'ukaristiya / Turakwiringiye.
Mpuhwe z'Imana, wowe uduhamagarira ukwemera gutagatifu / Turakwiringiye
Mpuhwe z'Imana, wowe utuma intungane zitagatifuza / Turakwiringiye.
Mpuhwe z'Imana, wowe utagatifuza imitima yuje umurava / Turakwiringiye
Mpuhwez'Imana, wowe mizero y'abarwayi n'imbabare / Turakwiringiye
Mpuhwe z'Imana, wowe muhoza w'imitima ifite intimba / Turakwiringiye
Mpuhwe z'Imana, wowe mizero y'abihebye / Turakwiringiye
Mpuhwe z'Imana, wowe uduhora iruhande / Turakwiringiye
Mpuhwe z'Imana, wowe utumenyesha ingabire zawe / Turakwiringiye
Mpuhwe z'Imana, wowe mahoro y'abasamba / Turakwiringiye
Mpuhwe z'Imana, wowe uturinda umuriro w'iteka / Turakwiringiye
Mpuhwe z'Imana, wowe worohereza roho zo muri purugatori / Turakwiringiye
Mpuhwe z'Imana, wowe bwiza buhimbaza abatagatifu bose / Turakwiringiye
Mpuhwe z'Imana, wowe banga ridahezwa ry'ukwemera / Turakwiringiye
Mpuhwe z'Imana, wowe soko idakama y'ibitangaza / Turakwiringiye
V / Imana ni inyampuhwe, kandi ni nyiri ibambe, itinda kurakara, kandi ikagira urugwiro (Z.144, 8),
R / Niyo mpamvu nzaririmba impuhwe za Nyagasani , ubuziraherezo. Amina.

Dusabe:
Nyagasani Mana, wowe ugira impuhwe zihebuje, ukagira n'imbabazi zidashira, turebane ubwuzu, maze utwongerere mo ibikorwa by'impuhwe zawe, turinde kwiheba, kabone niyo twaba mu magorwa akabije, ahubwo duharanire ugushaka kwawe gutagatifu, ko Rukundo n'Impuhwe, tubigiranye ukwizera kudahwema kwiyongera. Tubigusabye ku bwa Nyagasani Yezu Kristu, Umwami w'impuhwe, we ufatanya nawe na Roho Mutagatifu, kutugaragariza Impuhwe iteka ryose. Amina.

Maraso n'amazi byavubutse mu mutima wa Yezu wo soko y'Impuhwe atugirira / Turabiringiye

---

Ibisingizo by'Umutima mutagatifu wa Yezu

Ibisingizo by’Umutima Mutagatifu wa Yezu

Nyagasani utubabarire.
Kristu utubabarire.
Nyagasani utubabarire.
Kristu utwumve.
Kristu utwiteho.
Mana Data Nyir’ijuru, utubabarire.
Mana Mwana wakijije abantu, utubabarire.
Mana Roho Mutagatifu, utubabarire.
Butatu Butagatifu, uri Imana imwe, utubabarire.
Mutima wa Yezu, Mwana w’Imana Data uhoraho, utubabarire.
Mutima wa Yezu, waremewe na Roho Mutagatifu mu nda ya Bikira Mariya, utubabarire.
Mutima wa Yezu, usobekeranye rwose na Jambo w’Imana, utubabarire.
Mutima wa Yezu, Nyir’ishema ritagereranywa, utubabarire.
Mutima wa Yezu, Wowe Ngoro y’ubutungane bw’Imana, utubabarire.
Mutima wa Yezu, Wowe Jabiro ry’Umusumbabyose, utubabarire.
Mutima wa Yezu, Wowe Ngoro y’Imana n’irembo ry’ijuru, utubabarire.
Mutima wa Yezu, Gicaniro cyakirana urukundo, utubabarire.
Mutima wa Yezu, wuje ubutungane ukamenya no gukunda, utubabarire.
Mutima wa Yezu, usendereye ubugwaneza n’urukundo, utubabarire.
Mutima wa Yezu, ugira ingeso nziza zose, utubabarire.
Mutima wa Yezu, ukwiye ibisingizo byose, utubabarire.
Mutima wa Yezu, uganwa n’imitima yose ukayitegeka, utubabarire.
Mutima wa Yezu, usendereye ibyizaa byose by’ubuhanga n’ubumenyi, utubabarire.
Mutima wa Yezu, Wowe utuwemo rowse n’Imana, utubabarire.
Mutima wa Yezu, Wowe wizihiye Imana Data, utubabarire.
Mutima wa Yezu, ugira ibyiza byose ukabiduhaho, utubabarire.
Mutiama wa Yezu, Wowe wifuzwa n’ibihe byose, utubabarire.
Mutima wa Yezu, udahaniraho, ukagira impuhwe nyinshi, utubabarire.
Mutima wa Yezu, ugirira ubuntu abakwiyambaza bose, utubabarire.
Mutima wa Yezu, utubeshaho ukadutagatifuza, utubabarire.
Mutima wa Yezu, wahongereye ibyaha byacu, utubabarire.
Mutima wa Yezu, wahagijwe agashinyaguro, utubabarire.
Mutima wa Yezu, wazahajwe n’ibyaha byacu, utubabarire.
Mutima wa Yezu,Wowe wumviye kugeza gupfa, utubabarire.
Mutima wa Yezu, watikuwe icumu, utubabarire.
Mutima wa Yezu, soko y’icyitwa ihumure cyose, utubabarire.
Mutima wa Yezu, Wowe utubeshaho ukazatuzura, utubabarire.
Mutima wa Yezu, Wowe mahoro yacu ukatwunga n’Imana, utubabarire.
Mutima wa Yezu, Wowe watambiriwe abanyabyaha, utubabarire.
Mutima wa Yezu, Wowe ukiza abakwiringiye, utubabarire.
Mutima wa Yezu, Wowe uhumuriza abapfa bakwizeye, utubabarire.
Mutima wa Yezu, Wowe Mahirwe y’abatagatifu bose, utubabarire.
Ntama w’Imana Wowe ukiza ibyaha by’abantu, udukize Nyagasani.
Ntama w’Imana Wowe ukiza ibyaha by’abantu, utwiteho Nyagasani.
Ntama w’Imana Wowe ukiza ibyaha by’abantu, utubabarire.
V.: Yezu ugira umutima utuza kandi woroshya.
R.: Umutima wacu uwugire nk’uwawe.

Dusabe:
Nyagasani Mana ishobora byose, turakwinginze: twebwe abasingiza Umutima w’Umwana wawe ukunda cyane, tukibuka ibyiza by’agatangaza dukesha urukundo rwe, uduhe kwakira ingabire zikomoka muri iyo soko y’ijuru ivubuka ibyiza byose.
Ku bwa Yezu Kristu nyine Umwana wawe n’Umwami wacu, Imana mubana mugategekana mu bumwe bwa Roho Mutagatifu uko ibihe bihora bisimburana iteka. Amen.
Cyangwa:
Nyagasani Mana yacu, wagiriye impuhwe zawe maze utugwiriza ubukungu butagira ingano bw’urukundo rwawe mu Mutima w’Umwana wawe washenguwe n’ibyaha byacu;
Turakwinginze rero : mu gihe tumwereka ubuyoboke n’icyubahiro biranga urukundo tumufitiye, uduhe no kumwitwaraho ku buryo bukwiye. We mubana mugategekana mu bumwe bwa Roho Mutagatifu, uko bihe bihora bisimburana iteka. Amen.

---

Ibisingizo by'Izina ritagatifu rya Yezu

IBISINGIZO BY'IZINA RITAGATIFU RYA YEZU

Nyagasani utubabarire
Kristu utubabarire
Nyagasani utubabarire
Yezu utwumve, Yezu utwiteho.

Mana Data Nyirijuru, utubabarire.
Mana Mwana wakijije abantu, utubabarire.
Mana Roho Mutagatifu, utubabarire.
Butatu Butagatifu uri Imana imwe, utubabarire.

Yezu, Mwana w'Imana nzima, utubabarire.
Yezu, Rebero ry'Imana Data, utubabarire.
Yezu, Kibatsi cy'Urumuli ruhoraho, utubabarire.
Yezu, Mwami w'ikuzo, utubabarire.
Yezu, Zuba ry'ubutabera, utubabarire.
Yezu, Mwana wa Bikira Mariya, utubabarire.
Yezu ukwiye gukundwa, utubabarire.
Yezu ukwiye kubahwa, utubabarire.
Yezu, Mana Nyirububasha, utubabarire.
Yezu, Mubyeyi w'ibihe bizaza, utubabarire.
Yezu, Ntumwa y'imigenzo y'Imana, utubabarire.
Yezu ushobora byose, utubabarire.
Yezu wubaha cyane, utubabarire.
Yezu ufite umutima utuza kandi woroshya, utubabarire.
Yezu ukunda ubutungane, utubabarire.
Yezu udukunda twese, utubabarire.
Yezu, Mana y'amahoro, utubabarire.
Yezu, Soko y'ubuzima, utubabarire.
Yezu, Rugero rw'imigenzo myiza utubabarire.
Yezu ugurumanamo urukundo ufitiye abantu, utubabarire.
Yezu Mana yacu, utubabarire.
Yezu Buhungiro bwacu, utubabarire.
Yezu Mubyeyi w'abakene, utubabarire.
Yezu Bukungu bw'abemera, utubabarire.
Yezu Mushumba mwiza, utubabarire.
Yezu Rumuli rw'ukuri, utubabarire.
Yezu Buhanga buhoraho, utubabarire.
Yezu Bugwaneza budashira, utubabarire.
Yezu Nzira y'ubuzima bwacu, utubabarire.
Yezu Byishimo by'Abamalayika, utubabarire.
Yezu Mwami w'abasokuruza, utubabarire.
Yezu Mugisha w'intumwa, utubabarire.
Yezu, Buhanga bw'abanditsi b'Ivanjili, utubabarire.
Yezu Butwari bw'abahowe Imana, utubabarire.
Yezu Rumuri rw'abahamya b'ukwemera, utubabarire.
Yezu Buziranenge bw'ababikira, utubabarire.
Yezu Gihembo cy'abatagatifu bose, utubabarire.

Gira impuhwe Yezu, udukize.
Gira impuhwe Yezu, utwumve.
Icyago cyose, Yezu, ukidukize.
Icyaha cyose, Yezu, ukidukize.
Imitego ya sekibi, Yezu, uyidukize.
Umutima w'ubwandu, Yezu, uwudukize.
Urupfu rwa burundu, Yezu, urudukize.
Gusuzugura ibyo udutoza, Yezu, ubidukize.

Girira ko wigize umuntu Yezu, maze udukize.
Girira ivuka n'ubuto bwawe Yezu, maze udukize.
Girira ubuzima bwawe nk'Imana Yezu, maze udukize.
Girira imirimo wakoze Yezu, maze udukize.
Girira isamba n'ububabare byawe Yezu, maze udukize.
Girira umusaraba n'ugutereranywa wagiriwe Yezu, maze udukize.
Girira ko wapfuye ugahambwa Yezu, maze udukize.
Girira ko wazutse ugasubira mu Ijuru Yezu, maze udukize.
Girira ko waturemeye Ukaristiya Yezu, maze udukize.
Girira ikuzo ryawe n'ibyishimo byawe Yezu, maze udukize.

Ntama w'Imana, Wowe ukiza ibyaha by'abantu, udukize Yezu.
Ntama w'Imana, Wowe ukiza ibyaha by'abantu, utwumve Yezu.
Ntama w'Imana, Wowe ukiza ibyaha by'abantu, utubabarire Yezu.

Dusabe :
Nyagasani Mana yacu turakwinginze, utugaragarize impuhwe zawe, twebwe abasingiza Izina ritagatifu rwose rya Yezu, maze nitumara kunyurwa n'iryo Zina tukiri hano ku isi, tuzarikeshe ibyishimo bihoraho tugeze iwacu mu Ijuru. Ku bwa Yezu Kristu, Umwana wawe n'Umwami wacu, Imana mubana mugategekana mu bumwe bwa Roho Mutagatifu, uko ibihe bihora bisimburana iteka.
Amen.

---

Ibisingizo bya Roho Mutagatifu

IBISINGIZO BYA ROHO MUTAGATIFU

Nyagasani, utubabarire.
Kristu, utubabarire.
Nyagasani, utubabarire.
Kristu, utwumve.
Kristu, utwiteho.
Roho Mutagatifu, ukomoka kuri Data no kuri Mwana, utubabarire.
Roho wa Nyagasani, wowe mbere y’iremwa ry’isi warerembaga ku mazi kugira ngo uyahe imbaraga ntagatifu, utubabarire.
Roho utuzamo, ukatwigisha byose, utubabarire.
Roho wahishuriye abantu b’Imana ibyo bagomba kuvuga, utubabarire.
Roho uhamya ibyerekeye Yezu Kristu, utubabarire.
Roho w’ukuri utwigisha ibintu byose, utubabarire.
Roho watwikiriye Bikira Mariya, akabyara ataretse kuba isugi, utubabarire.
Roho wa Nyagasani wuzuye isi yose, utubabarire.
Roho w’Imana uba muri twe, utubabarire.
Roho w’ubuhanga n’uw’ubwenge, utubabarire.
Roho w’ubujyanama n’uw’ubutwari, utubabarire.
Roho w’ubumenyi n’uw’ubusabane ku Mana, utubabarire.
Roho w’igitinyiro cya Nyagasani, utubabarire.
Roho w’ingabire zose n’uw’imbabazi, utubabarire.
Roho w’imbaraga n’uw’urukundo, utubabarire.
Roho w’ubushyira mu gaciro, utubabarire.
Roho w’ukwemera, w’ukwizera, w’urukundo n’uw’amahoro, utubabarire.
Roho w’ubwicishe bugufi n’uw’ubumanzi, utubabarire.
Roho w’ubwiza n’uw’ubwiyoroshye, utubabarire.
Roho ucengera mu mabanga y’Imana, utubabarire.
Roho udusabira mu mivumero irenze imivugire, utubabarire.
Roho wamanukiye kuri Yezu mu ishusho ry’inuma, utubabarire.
Roho uduha kuvuka bundi bushya, utubabarire.
Roho wuzuza urukundo mu mitima yacu, utubabarire.
Roho uduha kuba abana b’Imana yihitiyemo, utubabarire.
Roho wamanukiye ku bigishwa mu ishusho ry’indimi z’umuriro, utubabarire.
Roho wasendereye imitima y’intumwa, utubabarire.
Roho utanga ingabire zawe, uha buri muntu uko wishakiye, utubabarire.
Gira impuhwe, utwumve utubabarire.
Jya uturwanaho uturengere, utwumve utubabarire.
Icyitwa ikibi cyose, Nyagasani ukidukize.
Icyitwa icyaha cyose, Nyagasani ukidukize.
Ibishuko n’imitego ya Shitani, Nyagasani ubidukize.
Ukwigerezaho n’ukwiheba, Nyagasani ubidukize.
Guhakana ukuri tuzi neza, Nyagasani ubidukize.
Uguhariranya n’ukuticuza, Nyagasani ubidukize.
Ubwandu bwose bw’umubiri n’ubw’umutima, Nyagasani ubudukize.
Irari ry’ubukozi bw’ibibi, Nyagasani uridukize.
Umutima mubi wose, Nyagasani uwudukize.
Girira ko ukomoka ku Mana Data no kuri Mwana, Nyagasani udukize.
Girira ko Yezu Kristu yasamwe ku bubasha bwawe, Nyagasani udukize.
Girira ko wamanukiye ku Ntumwa, Nyagasani udukize.
Ku munsi w’urubanza, Nyagasani udukize.
Kugira ngo tubeshweho nawe, kandi duhore dukurikiza amabwiriza yawe, utwumve turagutakambira.
Kugira ngo duhore twibuka ko turi ingoro yawe, twirinde kuyitera ubusembwa, utwumve turagutakambira.
Kugira ngo mu kubeshwaho nawe, twirinde gukora ibyifuzo by’umubiri, utwumve turagutakambira.
Kugira ngo twirinde kugushavuza, utwumve turagutakambira.
Kugira ngo twihatire kwikomezamo ubumwe bwawe mu busobekerane bw’amahoro, utwumve turagutakambira.
Kugira ngo twirinde kwemera roho mbi iyo ari yo yose, utwumve turagutakambira.
Kugira ngo dushobore gushishoza niba roho zikomoka ku Mana, utwumve turagutakambira.
Kugira ngo utwuzuzemo ukuri kw’ibitunganye, utwumve turagutakambira.
Ntama w’Imana, ukiza abantu ibyaha, udukize Nyagasani.
Ntama w’Imana, ukiza abantu ibyaha, utwiteho Nyagasani.
Ntama w’Imana, ukiza abantu ibyaha, utubabarire.
V.: Nyagasani, ohereza Roho wawe.
R.: Aze guhinzura isi ibe nshya.

Dusabe

Nyagasani turakwinginze, gira impuhwe udusenderezemo Roho Mutagatifu wawe, kugira ngo twese tugendere mu bumwe bw’ukwemera, maze ububasha bw’urukundo rwe budutere imbaraga, twihatire gushyigikira ikigero cy’ubuhame bwa Kristu; We mubana mugategekana mu bumwe bwa Roho Mutagatifu, mukaba Imana iteka ryose. Amen.

Cyangwa:
Nyagasani turakwinginze, Umuhoza ugukomokaho natumurikire maze atwinjize mu kuri kose, nk’uko Mwana yabidusezeranyije; We mubana mugategekana mu bumwe bwa Roho Mutagatifu, muri Imana imwe iteka ryose. Amen.

---

Ibisingizo bya Bikira Mariya

IBISINGIZO BYA BIKIRA MARIYA

Nyagasani utubabarire
Kristu utubabarire
Nyagasani utubabarire
Kristu utwumve
Kristu utwiteho
Mana Data Nyir'ijuru, utubabarire
Mana Mwana wakijije abantu, utubabarire
Mana Roho Mutagatifu, utubabarire
Butatu Butagatifu uri Imana imwe, utubabarire
Mariya Mutagatifu, udusabire
Mariya Nyina wa Jambo, udusabire
Mubyeyi Mutagatifu w'Imana. udusabire
Mubyeyi wa Yezu Kristu, udusabire
Mubyeyi w'Umuremyi, udusabire
Mubyeyi w'Umukiza, udusabire
Mubyeyi wa Kiliziya, udusabire
Mubyeyi inema z'Imana ziturukaho, udusabire
Mubyeyi utagira inenge, udusabire
Mubyeyi utigeze urarikira ikizira, udusabire
Mubyeyi wagumirije kuba isugi, udusabire
Mubyeyi utigeze uhinyuka, udusabire
Mubyeyi ukwiye gukundwa, udusabire
Mubyeyi utangaza, udusabire
Mubyeyi ugira inama nziza, udusabire
Mubikira wahebuje ababikira bose, udusabire
Mubikira witonda cyane, udusabire
Mubikira ukwiye kubahwa, udusabire
Mubikira ukwiye gusingizwa,udusabire
Mubikira utavuguruzwa, udusabire
Mubikira ugira ibambe, udusabire
Mubikira udahemuka, udusabire
Uhunzwe ingeso nziza zose, udusabire
Ubwiriza ibinyura Imana, udusabire
Utuma twishima, udusabire
Mushyinguzwa w'ibya Roho Mutagatifu, udusabire
Mushyinguzwa ukwiye kubahwa, udusabire
Mushyinguzwa waheranije mu kuzigamira Imana, udusabire
Umeza nka Roza iribagiza, udusabire
Umeze nk'urugerero rwa Dawudi, udusabire
Umeze nk'urugo ruharaze amahembe y'inzovu, udusabire
Umeze nk'inzu yubakishije zahabu, udusabire
Umeze nk'ubushyinguro bw'amasezerano y'Imana, udusabire
Umeze nk'irembo ry'Ijuru, udusabire
Umeza nk' inyenyeri yaka izuba rigiye kurasa, udusabire
Ukiza abarwayi, udusabire
Mirukiro y'abanyabyaha, udusabire
Umara intimba abayifite, udusabire
utabara abakristu, udusabire
Mwamikazi w'Abamalayika, udusabire
Mwamikazi w'Abasokuruza, udusabire
Mwamikazi w'Abahanuzi, udusabire
Mwamikazi w'Intumwa, udusabire
Mwamikazi w'Abahowe Imana, udusabire
Mwamikazi w'Abemeye Imana, udusabire
Mwamikazi w'Ababikira, udusabire
Mwamikazi w'Abatagatifu bose, udusabire
Mwamikazi Utasamanywe icyaha cy'inkomoko, udusabire
Mwamikazi wajyanywe mu ijuru, udusabire
Mwamikazi waduhaye Rozali Ntagatifu, udusabire
Mwamikazi w'Afurika, udusabire
Mwamikazi w'i Kibeho, udusabire
Mwamikazi uduha amahoro, udusabire
Ntama w'Imana wowe ukiza ibyaha by’abantu, udukize Nyagasani
Ntama w'Imana wowe ukiza ibyaha by’abantu, utwiteho Nyagasani
Ntama w'Imana wowe ukiza ibyaha by’abantu, utubabarire
Mubyeyi Mutagatifu w'Imana urajye udusabira,
Tubone guhabwa ibyo Yezu Krist yadusezeranije

DUSABE:
Nyagasani Mana yacu, turagusaba twe abawe, uduhe guhorana ubuzima bw’umutima n’ubw’umubiri, maze ku bw'amasengesho ya Mariya Mutagatifu, Umubikira iteka, tubone gukira agahinda kariho kuri ubu, no kuzishima iteka mu ijuru. Kubwa Yezu Kristu Umwami wacu. Amen.

Garuka

---

Ibisingizo by'Umutima utagira inenge wa Bikira Mariya

IBISINGIZO BY'UMUTIMA UTAGIRA INENGE WA BIKIRA MARIYA

Nyagasani utubabarire
Kristu utubabarire
Nyagasani utubabarire
Kristu utwumve
Kristu utwiteho
Mana Data Nyir'ijuru, utubabarire
Mana Mwana wakijije abantu, utubabarire
Mana Roho Mutagatifu, utubabarire
Butatu Butagatifu uri Imana imwe, utubabarire
Mutima wa Mariya witorewe na Nyagasani, udusabire.
Mutima wa Mariya uzira inenge, udusabire.
Mutima wa Mariya usendereye inema, udusabire.
Mutima wa Mariya Ngoro y'Ubutatu Butagatifu, udusabire.
Mutima wa Mariya ugira impuhwe, udusabire.
Mutima wa Mariya warinzwe icyaha cy'inkomoko, udusabire.
Mutima wa Mariya wuzuye impuhwe za kibyeyi, udusabire.
Mutima wa Mariya wuzuye ubusugi, udusabire.
Mutima wa Mariya wanejereje Imana Data, udusabire.
Mutima wa Mariya Mizero y'abanyabyaha, udusabire.
Mutima wa Mariya Mirukiro y'abanyabyago, udusabire.
Mutima wa Mariya ugira inama nziza, udusabire.
Mutima wa Mariya ugira ibambe, udusabire.
Mutima wa Mariya ugira ubuntu, udusabire.
Mutima wa Mariya uduha gutona ku Mana, udusabire.
Mutima wa Mariya uduhumuriza, udusabire.
Mutima wa Mariya uhora uturengera, udusabire.
Mutima wa Mariya utubwiriza gukunda Nyagasani, udusabire.
Mutima wa Mariya waduhesheje Umukiza, udusabire.
Wowe Imana yatoreye kurera abo yiremeye, udusabire.
Wowe mpuhwe zihoza abarira, udusabire.
Wowe buruhukiro bw'abarushye, udusabire.
Wowe abaramukwa bambaza bakaruhuka neza, udusabire.
Wowe uduha imbaraga zo gutsinda ubunebwe, udusabire.
Wowe watumye Ingoma y'Imana igaruka muri twe, udusabire.
Wowe huriro ry'amasezerano y'Imana Data, udusabire.
Mariya Mubziriza w'abatunganye bose, udusabire.
Mubweyi w'imiryango yose y'abantu, udusabire.
Cyishongoro cy'abamalayuka, udusabire.
Mubyeyi utugabira ibyiza bya Roho, udusabire.
Ruhimbi rw'ibyiza bya Nyagasani, udusabire.
Kitabashwa cyahetse Mwene Data, udusabire.
Bushyinguro bw'Imana Data, udusabire.
Bwururukiro bw'inema zituzamo, udusabire.
Ngabire y'ubudahinyuka bw'Imana, udusabire.
Mugeni wa Roho Mutagatifu, udusabire.
Mubyeyi wa Jambo uhoraho, udusabire.
Nshumbushanyo y'Imana muri twe, udusabire.
Wowe Ribagiza ry'ubwiza, udusabire.
Wowe Mugenga w'inema zose, udusabire.
Mutima wa Mariya warushye uhungisha Umwana wawe Herodi ashaka kumwica, udusabire.
Mutima wa Mariya washigutse umusaraba Umwana wawe yabambweho witikuye mu rwobo, udusabire.
Mutima wa Mariya wahuranyijwe n'inkota y'ububabare wakira umurambo w'Umwana wawe ukawushyira mu mva, udusabire.
Ntama w'Imana ukiza ibyaha by’abantu, udukize Nyagasani.
Ntama w'Imana ukiza ibyaha by’abantu, utwiteho Nyagasani.
Ntama w'Imana ukiza ibyaha by’abantu, utubabarire.
Mubyeyi Mutagatifu w'Imana urajye udusabira,
Tubone guhabwa ibyo Yezu Krist yadusezeranije.

DUSABE:
Mana Nyir'ubuzima, rebana impuhwe Umutima utagira inenge wa Bikira Mariya,wahuranyijwe n'inkota y'ububabare mu rupfu rw'Umwana we, maze wakire amasengesho duturishije uwo Mutima wuje ituze, impuhwe n'ubutungane. Amina.

Nihasingizwe Umutima utagira inenge wa Bikira Mariya (X3).

---

Ibisingizo bya Yozefu Mutagatifu

IBISINGIZO BYA YOZEFU MUTAGATIFU

Nyagasani, utubabarire.
Kristu utubabarire.
Nyagasani, utubabarire.
Kristu utwumve.
Kristu utwiteho.
Mariya Mutagatifu, udusabire
Yozefu Mutagatifu, udusabire
Mwana w’ikirangirire wa Dawudi, udusabire
Ngenzi muri ba Sogokuruza, udusabire
Mugabo w’Umubyeyi w’Imana, udusabaire
Murinzi utagira inenge wa Bikira Mariya, udusabire
Murezi w’Umwana w’Imana, udusabire
Wowe warengeraga Yezu ubudahwema, udusabire
Mutegeka mwiza wa Yezu na Mariya, udusabire
Yozefu utunganye rwose, udusabire
Yozefu utigeze urarikira ikizira, udusabire
Yozefu witonda rwose, udusabire
Yozefu udakangarana, udusabire
Yozefu wumvira rwose, udusabire
Yozefu utagira ubwo uhemuka, udusabire
Wowe werekana uburyo bwo kwiyumanganya, udusabire
Wowe mukene ku mutima, udusabire
Wowe abakozi bareberaho, udusabire
Wowe wizihiza imico y’abashakanye, udusabire
Murinzi w’ababikira, udusabire
Wowe urinda ababyeyi n’abana babo, udusabire
Wowe umara agahinda abababaye, udusabire
Wowe abarwayi bizera, udusabire
Wowe uhumuriza abenda gupfa, udusabire
Wowe ukangaranya amashitani, udusabire
Murinzi wa Kiliziya Ntagatifu, udusabire
Ntama w’Imana, ukiza ibyaha by’abantu, udukize Nyagasani.
Ntama w’Imana, ukiza ibyaha by’abantu, utwiteho Nyagasani.
Ntama w’Imana, ukiza ibyaha by’abantu, utubabarire.
V. Imana yamugize umutware w’urugo rutagatifu. R. N’umurinzi wa Yezu na Mariya.
Dusabe: Mana idahinyuka mu kwitegereza, watoye Yosefu Mutagatifu ho Umugabo wa Mariiya, Umubyeyi wahebuje; turagusaba ngo uyu dusingiriza kuba umurinzi wacu munsi, azatubere n’umuvugizi mu ijuru. Wowe ubaho ugategeka iteka mu ijuru. Amen.

---

This is the title of the web page