Mucyo Dusenge

INDIRIMBO ZA LITURJIYA

Amagambo y'indirimbo zikoreshwa muri Liturjiya

INDIRIMBO ZA LITURJIYA

INDIRIMBO ZO GUTANGIRA MISA

I. TUJE KUKWEREKA KO TWAKUYOBOTSE
(Jean HAKOLIMANA)

R/: Twaje Mbyeyi, amaso yacu tuyahanze mu ruhanga rwawe, tukuzaniye bwa buzima waduhunze Mwami, twizanyeho igitambo kizima, twaje kukwereka ko twakuyobotse, Mwami, ngo udukomeze mu nzira zawe tudatsikira tukagwa.

  1. Dukunda kenshi kugira intege nke; twikundira inzira za kamere, n’igihogerera mu buzima, twigishe inzira itunganye. Duhe impumeko yo kukwizera, duhe duture mu mahoro.
  2. Ibyo wifuza ntitubikora, ibidutanya biratunyura, turwana intambara zidashira, duhe urukundo n’ubuzima. Duhe impumeko...
  3. Inema zawe ziduhoreho, twe kwiruka inyuma y’ibihita, amizero yacu abe muri Wowe, ni bwo tuzayoboka ijuru. Duhe impumeko...
  4. Hari abagushaka batakubona, hari n’abandi bacika intege, kubera umwanzi ubayobya; ni Wowe wabiyoborera. Duhe impumeko...
  5. Tubona byinshi bituyobera, tubona ibindi biduca intege, iyo tugenda tutari kumwe; duherekeze mu mayira. Duhe impumeko...

II. AMAHORO IWACU

Dore intambwe iboneje ineza ni iyi tugamije (abawe twese)*2 Mana y’amahoro, duhase inzira ibirenge. Turayoboza ahatuye amahoro, ukuri n’ubutabera, ngiyi imitima yacu, amaboko n’ibiganza ngo aho twizera habe hano iwacu.

  1. Aho umunyacyaha adatsindwa, hagatsindwa ahubwo icyaha; aho inabi itubaka urukuta rutarengwa. Ni aho duharanira dufatanye urunana.
  2. Aho intwari itica ku rugamba, ineza ikaba ubutwari; aho umunyambabazi ari we uhabwa umudende. Ni aho duharanira...
  3. Aho ibisekuruza bizaza birangwa ineza n’ubuntu; aho ibyahise biyungururwa ngo bitica. Ni aho duharanira...
  4. Aho intumwa y’ukuri idakubitwa igafatwa nk’umubuzi, aho ikinyoma gihabwa induru ngo gihunge. Ni aho duharanira...
  5. Aho intama ibana n’ikirura, intare n’inyana byombi; aho bitoza amahoro ntibitoze indwano. Ni aho duharanira...

III. TUJE TUGUSANGA MWAMI

R/: Tuje tugusanga Mwami, Mwami w’amahoro, mugenga w’isi n’ijuru. Twakirane impuhwe zawe, maze udukize udutuze mu rukundo rwawe.

  1. Reba abana bawe tuje uko turi. Gira impuhwe Mwami tubabarire ibicumuro twakugiriye, utugarure mu bawe Mubyeyi.
  2. Reba abana bawe tuje kugusingiza. Tuje kukurata, kukwivugira, Wowe Mwami wacu nyir’imigisha, tugukomere yombi Mubyeyi.
  3. Reba abana bawe tuje kugutakira; dutsindire umwanzi utwigabije, uce inzangano zatwikubiye utsinde ibyago byose Mubyeyi .
  4. Reba abana bawe tuje tugusanga; komeza urukundo watubibyemo, isi yose ibone urumuri rumurika mu bawe Mubyeyi.

IV. HAHIRWA ABATUYE

(Hahirwa abatuye mu ngoro yawe Nyagasani, bakakurata bagusingiza ubudahwema, ubudahwema)*2.

Uhoraho, Uhoraho, mutegetsi w’ingabo, mbega ingoro zawe ngo zirantera ubwuzu.

IV. URUGAMBA RUKOMEYE

R/: Turaje Yezu, twitabye ijwi ryawe, tuje iwawe ngo utubere urumuri, kuko uru rugamba turwana rurakomeye; abanzi turwana na bo si abantu, ni ibikomangoma by’iyi si.

  1. Twamenye ibyiza byawe tukiri bato, twitandukanya n’icyaha tubatizwa. Uraturinde Mwami ntituzananirwe, umwanzi atatwiba akatugira imbata ze.
  2. Mu bihe bikomeye wadukijije ikibi, tukwemerera ko tuzibera iwawe gusa, habonetse agahenge turirangariye, nyamara umubisha ashaka kutugira abe.
  3. Icyiza twifuza si cyo dukora, ikibi tudashaka ni cyo kidutanga imbere. Muri izi ntege nkeya uraturamire, umwanzi atadushora mu ngeso mbi.
  4. Amagorwa y’iyi si dutuyemo, ntiyagereranywa n’ikuzo tuzaronka. Twemere Imana ubwayo itwigarurire, ibiduca intege tubyime amatwi.
  5. Tuzakuririmba, tuzacuranga inanga, wa munsi tuzaba twicaye iwawe ijabiro; agahinda n’imibabaro bizashira, tuti "Hozana kandi Imana ikuzwe!"

V. TUJE IMBERE YAWE

Tuje mu ngoro yawe Nyagasani, umuryango wawe tukwitabye karame, tuje kugutega amatwi no gutura igitambo gitagatifu.

  1. Tuje imbere yawe turi abanyantege nke; sukura imitima yacu ikunogere. Twereke impuhwe zawe tuguture igitambo dukeye, gorora aya majwi yacu tuberwe no kugushengerera, tugusingize uko bukeye.

VI. KARAME NDAJE

Karame ndaje ngo ngusingize Uhoraho, kuko nemera ko ari wowe Mana nyakuri twe tukaba umuryango wihitiyemo, umuryango wawe n’ubushyo wiragiriye, ndaje.

  1. Yemwe abatinya Uhoraho, nimuhanike muririmbe, atubereye ubuhungiro, ni koko atubereye ikiramiro.
  2. Nimwinjirane ibisingizo mu murwa we mumurate, kuko Uhoraho ni Umwami w’igihangange, ubutabera agira bugahoraho.

VII. HUNDWA IMPUNDU
  1. Umuryango wawe wakoranye ngo ukwizihize Mwami w’amahoro, ngo ukwizihize Rugira ugenga byose.

    2. Hundwa impundu z’ababyeyi Nyagasani, ratwa mu ndirimbo z’urusobe, kuzwa n’abo munsi no mu ijuru, singizwa iteka ryose.

  2. Tuje mu ngoro yawe Uhoraho ngo tugusenge twizihiwe, kandi tugushimira ibyiza uduha.
  3. Bwiza buzira inenge, sukura imitima yacu, tubone gukikiza ameza yawe matagatifu no kugutura igitambo kigukwiriye.

VIII. HABWA IMPUNDU NYAGASANI

Habwa impundu Nyagasani. Habwa impundu Nyagasani, Nyagasani. Komerwa yombi Mwami w’igitinyiro; tuje kugushengerera mu ngoro yawe ntagatifu.

  1. Sukura imitima yacu, twegere aho uganje, maze tuguture igitambo tutagira inenge.
  2. Mana yacu, umva amasengesho y’ingabo zawe maze uzisendereze imbabazi zawe.

IX. MBEGA IBYISHIMO
(Apollinaire HABYARIMANA)

(Mbega ibyishimo)*2 ngo biransaba umutima, (alleluya)*2 . (Byaransaze)*3 igihe ngiye mu ngoro y’Uhoraho. (Byaransaze)*3 igihe ngiye mu ngoro y’Uhoraho.

  1. (Yeruzalemu)*2, uri umurwa ucinyiye cyane, alleluya! None dore ibirenge byanjye bihagaze mu marembo yawe, Yeruzalemu.
  2. Ibinezaneza byaransaze, igihe bambwiye bati "Hogi tujye mu ngoro y’Uhoraho.

X. NIMUNSANGE

(Nimunsange, nimunsange, muze mundamirize mu ngoro yanjye.)*2

  1. Nyagasani Mana, umuryango ukunda nguyu wakwitabye karame twaje.
  2. Nyagasani Mana, twasanga nde wundi, ko ari wowe ugira amagambo meza?
  3. Mwami ugira ibambe, uduhaye umwanya cyo reka natwe tuze tukurate.
  4. Duturutse iwacu, twumvise ijwi ryiza, riduhamagara mu mazina yacu.

XI. TWITABYE TWESE

Ubwo urukundo rwawe rudukoranyije, twitabye karame nyir’ijuru. Tuzanye ibyacu, kandi n’abacu bose twayobotse inzira igana iwawe.

  1. Mana nziza, nyir’ubugingo, waradukunze, biruta byose, watanze Yezu mu kigwi cyacu ngo tudatsindwa.
  2. Mana nziza, izira ubwandu, waradutoye ngo tube urumuri n’umunyu w’isi; turinde umwanzi ngo tutajorwa.
  3. Mana nziza, Mana y’ukuri, twajya he handi, hatari iwawe? Ufite byose, ibyiza byose bitangwa nawe.
  4. Mana nziza, nyir’ububasha, hari n’abandi, batazi ibyawe, binjize iwawe, habe ubushyo bumwe bugengwa nawe.
  5. Mana nziza, Nyir’ubuhanga, ituro ryacu, si iry’igitambo, ni iry’urukundo, tuvoma iwawe ngo turukwize.

XII. NGIYE GUSINGIZA NYIRIBIREMWA
(Charles MUDAHINYUKA)

R/ Ngiye gusingiza Nyir’ibiremwa; ngiye kumwambariza mu ngoro atuye; n’abavandimwe banjye, turate izina rye.

  1. Akwiye ibisingizo Nyir'ubutagatifu (akwiye kuratwa); nimuze dushengerere uwaduhanze, akagaba amahoro mu ngabo ze.
  2. Niduture igitambo n'umutima utunganye; twigorore n'abavandimwe bacu; ngiki igitambo gihimbaje.

XIII. NYEMERERA NGUSANGE

R/ Nyemerera ngusange Mana yanjye. Ni wowe wanyiremeye, umpa ubuzima bw'iteka Mana yanjye, ndi uwawe rwose, ngenza uko ushaka.

  1. Bwiza buzira inenge turi abanyabyaha, Eza Roho yacu uyigire nziza, tugututane umutima ukeye Misa Ntagatifu.

XIV. TWAJE MANA YACU
(Jean HAKOLIMANA)
R

/Twaje Mana yacu, tuje kugusenga (twese), Twe n’abacu bose, tuje kugushima (twese); ni twe duherutse kugusaba ngo uduhe amahoro, uturindire ubuzima. Warabiduhaye urabyuzuza, none natwe twaje kukubwira ko twe n’abacu dushimira, Urakarama!

  1. Wangobotoye umwanzi,
    naje kugushimira.
    Wankomereje ukwemera,
    naje kugushimira.
    Kandi umpora hafi ngo umpumurize, nzakomeza ngushimire; ni Wowe undagiye, ukamenyera igikwiye.
  2. Wadutungiye ubuzima,
    naje kugushimira.
    Watubereye ifunguro,
    naje kugushimira.
    Nanjye ndaguhawe ngo unyikirize, nzakomeza ngushimire;
    Ni Wowe undagiye, ukamenyera igikwiye.
  3. Wankomereje ukwemera,
    naje kugushimira.
    Roho wawe ampa imbaraga,
    naje kugushimira.
    Kandi ntujya umpana ngo untererane, nzakomeza ngushimire;
    Ni Wowe undagiye, ukamenyera igikwiye.
  4. Njye wandaze urubyaro,
    naje kugushimira.
    Nakweguriye byose,
    naje kugushimira.
    Nunze ubumwe nawe simpungabana, nzakomeza ngushimire;
    Ni Wowe undagiye, ukamenyera igikwiye.
  5. Njye wangize umunywanyi,
    naje kugushimira.
    Wantumye ku bo waremye,
    naje kugushimira
    Kandi ibyo nakoze si ku bwanjye, nzakomeza ngushimire;
    Ni Wowe undagiye, ukamenyera igikwiye.
  6. Njye wampaye urubyaro,
    naje kugushimira.
    Naratunze ndahirwa,
    naje kugushimira.
    Kandi ibyo wampaye ntubyisubiza, nzakomeza ngushimire;
    Ni Wowe undagiye, ukamenyera igikwiye.

XV. UBUZIMA TWAHAWE
  1. Nyagasani Mana yacu, ni wowe wenyine imbaga itabarika ihanze amaso, mu buzima wayihaye.

    2. R/ Dore imbaga y’abakuyobotse, bafite inyota y’urukundo, bahunde urumuri batayoba, bagutezeho umukiro w’iteka.

  2. Imigisha twahawe, uturinde kuyipfusha ubusa, umutima twahawe uturinde kuwutangaguza.
  3. Amaguru twahawe uturinde kuyapfusha ubusa, amaboko twahawe uturinde kuyatagaguza.

XVI. UMURYANGO MWIZA

R/ Uyu muryango ureba imbere yawe, uje kugusuhuza no kukwishimira, kugutaramira no kugusenga Dawe, ni ko umwana mwiza aganira n’umubyeyi we.

  1. Tugucurangire inanga, imyirongi, tunakubyinire imbyino nziza.
  2. Uyu mudiho mwiza twawuteguye ngo tuwuture Imana Data.
  3. Ingoma zose nizihimbaze ibi birori, tuvuze impundu, duhimbaze umwami wacu.
  4. Batagatifu namwe bamalayika nimudutize amajwi, dukomere amashyi uwaduhanze.

XVII. TWAJE TWESE

Twaje twese (ngaha turaje) tuje mu ngoro yawe Nyagasani, ngo tugusenge wowe Mana rukumbi, twakire utubare mu bana bawe.

  1. Tuje kukuramya Mana yaturemye; utweze twese maze tukwizihire nuko turirimbire izina ryawe mu majwi n'inanga bibereye ubwiza bwawe.
  2. Tuje dukeye twizeye ubuvunyi bwawe, Wowe uhora iteka utwitaho nta kiguzi, sangwa n'abawe Mwami dukeza tugasusuruka. Harirwa imisango ukuzwe Mwami utetse i Jabiro.

XVIII. TUJE IWAWE

R/: Tuje iwawe Nyagasani, Mugenga wa byose. Mwami wadukunze mbere, tuje kugusenga, tuje kukurata, kugushimira ibyiza uduha buri munsi. Tuje kukwiyereka twe wacunguye; twakire, twakire maze wemere, emera tuguture igitambo kikwizihiye, wowe Mwami nyir’ubuntu.

  1. Tugusanze tuzi ko tutari intungane; twarakugomeye, twarakugomeye, duteshuka ku gushaka kwawe, none Dawe Mubyeyi w’immpuhwe, twizeye impuhwe zawe, twizeye impuhwe zawe, Mana, twakire utubabarire.
  2. (Tuje kugutaramira Rwema, kukuvuga uko uri Mubyeyi, kuguhunda ibisingizo urabikwiye mukundwa, umva aya majwi yacu akunogere, kuko nta kundi twagushimira ibyiza uduha bitari ukugusingiza. Tuzakuvuga hose Nyagasani kuko utubereye byose)*2.

XIX. TUJE MU NGORO YAWE

R/: Tuje mu ngoro yawe Nyagasani. Tuje mu ngoro yawe Nyagasani, kugusenga; tuje kugusingiza. Turagusabye, turagusabye ngo udukize ubwandu, tuguture igitambo dukeye.

  1. Nyagasani ni We Mana yacu, Nyagasani ni We muvunyi wacu: nimuze, nimuze mu ngoro ye, tumuramye.
  2. Nyagasani atatse ubwiza, Nyagasani atatse ubutungane; nimuze…

XX. TUJE IWAWE RUGIRA
(A. Jean HAKORIMANA)

R1/: Tuje iwawe, Rugira mwiza, tuje kukuramya no kugukuza; twatumiwe n’ubuntu, n’imbabazi ugira. Twagana nde wundi, ko ari wowe wenyine ufite ijambo ry’ubugingo bw’iteka?

  1. Soko y’ubuzima, tuje kugushimira ubugingo udahwema kuduhaho umunani. Ntawe ugusanga ngo abure ubuvunyi n’ubwisanzure.

    R2/: Mu myaka yose twakumenye , waratuyoboye, ntiwatujimije ; tugukomeyeho.

  2. Soko y’amahoro, tuje tuyasonzeye, hari benshi bashaka kuduha ayabo ubwabo; twe twaguhisemo jya uduhamiriza yuko tutibeshye. +R2
  3. Soko y’uguhozwa, tuje turemerewe n'imitwaro duhetse, nta wundi wayitura. Uwo uruhuye, ntiyongera gutsindwa n’agahinda n’ishavu. +R2
  4. Soko y’imbabazi, tuje kukwitwaraho; dutsindwa uko bukeye, tuyoba inzira ushima. Ugira ubuntu, utwiyoborere tuzatahe ijabiro. +R2
  5. Ngwate y'ubuvunyi, tuje kukwitambira, tukwihaye burundu, tukubere umunani. Uhatswe nawe nta cyamurarura, maze ngo akwimure. +R2
  6. Soko y'umukiro, tuje kugusingiza; nta na kimwe dutunze tutagihawe nawe. Mu badutegetse, ntawe muhwanye; uri isoko y'ibyiza gusa. +R2

XXI. DUKUMBUYE IWAWE

R/: Turaje Mana, dukumbuye iwawe ngo tuhavome amahoro n’ubusabane utanga. Iyo tukuri hafi turegerana tukaramba; iyo turi kure yawe tugenda intatane, n’amahoro akaba make.

  1. Ngwino mu mitima yacu uhirukane urwango, urukundo ruganze aho tutarukeka.

    R2/: Ngwino uhoze abawe, utwongerere urukundo, twese turagushaka Dawe.

  2. Ngwino uce amarira yose aturuka mu bawe, amaboko dutunze abe inganzo y’amahoro. +R2
  3. Cyamura imitima yacu uyerekeze iwawe, kutamenya icyo ushaka ni yo ngusho y’amahoro. +R2
  4. Si ibitambo n’amaturo ukeneye ku bawe, ahubwo ni izo mbabazi ziva mu butabera.
  5. Abagushaka ni benshi ubiyereke bose, baronke iwawe amahoro bayigishe n’abandi.

XXII. MWUNGERI W’UBUGINGO

Tuje tugusanga Mwungeri w’ubugingo; iwawe hazira ubwandu, abaguhora iruhande ntibahwema kugusingiza, Mwungeri w’ubugingo, (ngwino)*4 utaramane n’ubushyo bwawe.

  1. Twaturutse imihanda yose, twazinduwe no kukuramya Mwungeri, maze umunsi urenge twese tukuramya.
  2. Iwawe ni heza mwami tuhatahanye ibisingizo, Mwungeri, maze umunsi urenge...
  3. Tuzanye imitima yacu maze iberwe no kukuramya, Mwungeri, maze umunsi urenge...
  4. Tugutuye abagukunda maze bakere kukuramya, Mwungeri, maze umunsi urenge...
  5. Tugutuye abagukorera n’abakwiyeguriye bose, Mwungeri, maze umunsi urenge...
  6. Iyo tugusanze dushira intimba, iyo tugusanze uradutonesha Mwungeri w’ubugingo.

GLORIA (IMANA NISINGIZWE MU IJURU)

IMANA NYAGASANI

Imana Nyagasani nisingizwe, nisingizwe mu ijuru.

  1. No munsi, abantu Imana ikunda bahorane amahoro.

    2. R/ Turakurata, turagushima, turagusenga, turagusingiza.

  2. Turagushimira Nyagasani, ikuzo ryawe ryinshi, ni Wowe Mwami Mana Data.
  3. Nyagasani Mwana w'ikinege Yezu Kristu Mwana w'Imana Data.
  4. Wowe ukiza ibyaha by'abantu, akira amasengesho yacu; gira impuhwe, tubabarire.
  5. Kuko ari Wowe utunganye, ni Wowe Mwami wenyine, ni Wowe usumba byose.
  6. Hamwe na Roho Mutagatifu, Imana iragasingizwa, Amen, Amen.

IMANA NISINGIZWE MU IJURU (BUTIRI)
  1. Imana nisingizwe mu ijuru, no munsi abantu ikunda bahorane amahoro.
  2. Turakurata, turagushima, turagusenga, turagusingiza. Turagushimira ikuzo ryawe ryinshi, Nyagasani Mana mwami w’ijuru, Mana data ushobora byose.
  3. Nawe Nyagasani mwana w’ikinege Yezu Kristu, Nyagasani Mana, ntama w’Imana, Mwana w’Imana Data.
  4. Wowe ukiza ibyaha by’abantu. tubabarire. Wowe ukiza ibyaha by’abantu, akira amasengessho yacu.
  5. Wowe wicaye iburyo bw’Imana Data, tubabarire, kuko ari Wowe gusa utunganye, ni wowe Mwami wenyine.
  6. Ni Wowe usumba byose Yezu Kristu, hamwe na Roho Mutagatifu, nuko hasingizwe Imana Data.

IMANA NISINGIZWE MU IJURU

Imana, Imana , Imana nisingizwe mu ijuru.

No munsi abantu ikunda bahorane amahoro.

Turakurata (turakurata),
Turagushima (turagushima),
Turagusenga (turagusenga), Turagusingiza
(turagusingiza).
Turagushimira ikuzo ryawe ryinshi (*2).

  1. Mana mutegeka Mwami w'ijuru, Mana Data Dawe ushobora byose.
  2. Nawe Nyagasani Mwana w'ikinege, Ntama w'Imana, Mwana w'Imana Data.
  3. Wowe ukiza ibyaha, tubabarire, ibyaha byacu, wakire aya masengesho.
  4. Wicaye iburyo bwa Data tubabarire, ni Wowe gusa utunganye, Mwami wenyine.
  5. Wowe usumba byose Yezu Kristu, hamwe na Data na Roho Mutagatifu, Amen.

NASINGIZWE NYAGASANI

R/ Nasingizwe Nyagasani.
Yaradukunze-e, maze abo munsi aduha ubuzima budukiza.
Nasingizwe Nyagasani.

  1. No munsi abantu ikunda bahorane amahoro.
    Nasingizwe Nyagasani.
    Turakurata, turagushima.
    Nasingizwe Nyagasani.
    Turagusenga, turagusingiza.
    Nasingizwe Nyagasani.
  2. Turagushimira ikuzo ryawe ryinshi.
    Nasingizwe Nyagasani.
    Nyagasani Mana Mwa-mi w'ijuru.
    Nasingizwe Nyagasani.
    Mana-a Data ushobora byose.
    Nasingizwe Nyagasani.
  3. Nawe Nyagasani Mwana w'ikinege,
    Nasingizwe Nyagasani.
    Yezu Kristu Nyagasani Mana,
    Nasingizwe Nyagasani,
    Ntama w'Imana Mwana w'Imana Data,
    Nasingizwe Nyagasani.
  4. Wowe ukiza ibyaha by'abantu, tubabarire.
    Nasingizwe Nyagasani.
    Wo-o-we ukiza ibyaha by'aba-ntu,
    Nasingizwe Nyagasani.
    a-a-aki-ira amasengesho yacu.
    Nasingizwe Nyagasani.
  5. Wowe wicaye iburyo bw'Imana Data, tu-u-ba-abarire,
    Nasingizwe Nyagasani.
    Kuko ari wowe gusa utunganye,
    Nasingizwe Nyagasani,
    Ni Wowe Mwami wenyine Yezu Kristu.
    Nasingizwe Nyagasani.
  6. Ni wowe wenyine usumba-a byose,
    Nasingizwe Nyagasani.
    Yezu-u Kristu na Roho Mutagatifu.
    Nasingizwe Nyagasani.
    Nuko hasingizwe Imana Data, Nasingizwe Nyagasani.

IMANA NISINGIZWE MU IJURU

R/ : Imana nisingizwe mu ijuru, no munsi abantu ikunda (bose) bahorane amahoro. Turakurata, turagushima, turagusenga, turagusingiza, turagushimira, turagushimira ikuzo ryawe ryinshi.

  1. Nyagasani Mana mwami w’ijuru, Mana itegeka, Mana data, ushobora byose. Nawe Nyagasani Mwana w’Imana, Ntama w’Imana Data, mwana w’Imana Data.
  2. Wowe ukiza ibyaha tubabarire. Wowe ukiza ibyaha by’abantu akira amasengesho yacu. Wowe wicaye iburyo bwa Data, tubabarire, wowe gusa utunganye, wowe Mwami wenyine.
  3. Ni Wowe wenyine usumba byose, (Yezu Kristu)*2, na Roho Mutagatifu, nuko hasingizwe Imana data, amen, amen, amen, amen, amen, amen.

GLORIA

Imana nisingizwe mu ijuru.
No munsi abantu ikunda bahorane amahoro.
Turakurata, Mana, turagushima, turagusenga, turagusingiza, (turagushimira ikuzo ryawe ryinshi)*2.

Nyagasani Mana, Mwami w’ijuru, Mana Data ushobora byose.

Nawe Nyagasani mwana w’ikinege, Yezu, Yezu, Yezu Kristu.
Nyagasani Mana, Mwana w’Imana, Ntama w’Imana, w’Imana Data.

Wowe ukiza ibyaha by’abantu, tubabarire. Wowe ukiza ibyaha by’abantu, akira amasengesho yacu.

Wowe wicaye iburyo bw’Imana Data, tubabarire. Kuko ari wowe gusa utunganye, ni Wowe Mwami wenyine.

Wowe usumba byose Yezu Kristu, hamwe na Roho mutagatihu, nuko hasingizwe Imana Data, amen.

KUZIRIKANA

NYAGASANI MANA YACU
(Saulve IYAMUREMYE)
  1. Nyagasani Mana yacu turakwemera. Waraduhanze kandi uradukiza Mwimanyi; duhe kukwemera iteka Mana yacu.

    Wowe mubyeyi mwiza dukunda, umva amajwi y’abana bawe bagutakira, bifuza ko ubakiza bose. Amasengesho yabo ujye uyumva Nyagasani.

  2. Nyagasani Mana yacu turakwizera; ni Wowe wahagurukiye kutwitangira, ni cyo gituma twizera Mana yacu.
  3. Nyagasani Mana yacu turagukunda; watweretse urukundo rwawe ku musaraba. Duhe kugukunda iteka Mana yacu.

UHORAHO NI URUMURI RWANJYE

Umwami ni We rumuri rwanjye, ni na We mirukiro yanjye; nagira ubwoba mbutewe na ndie?

  1. Uhoraho, Uhoraho ni We rumuri rwanjye, n’uburokozi bwanjye; ni nde, ni nde wantera ubwoba?
  2. Uhoraho ni urugerero rw’ubugingo bwanjye, n’umukiro wanjye; ni nde, ni nde wankangaranya?
  3. Uhoraho ni We umfashe mu kiganza, ni We umfashe mu kiganza, arankunda, arankunda. Intambwe zanjye ziri mu maboko ye; anyobora mu rwuri rwe, anshora ku iriba ry’ubutungane kubera, kubera impuhwe ze.

UHORAHO UNYIGISHE
(Matthieu NGIRUMPATSE)

Uhoraho unyigishe inzira y’ugushaka kwawe, kugira ngo nyikomeze kugera ku ndunduro.

  1. Umpe ubwenge, kugira ngo nkomeze amategeko yawe maze nyakurikize n’umutima wanjye wose.
  2. Unkomeze mu nzira y’amatangazo yawe, kuko ari yo anezereje.
  3. Werekeze umutima wanjye ku byemezo byawe, aho kohoka ku maronko.
  4. Amaso yanjye uyarinde ibitagira shinge, unkomeze munzira zawe.
  5. Ukomereze umugaragu wawe isezerano wateganyirije abayoboke bawe.
  6. Undinde igitutsi kintera ubwoba, kuko amateka uciye ari yo nkoramutima.

NI NDE?

R/ Ni nde? (5) Ni nde uzakira iwawe?

  1. Ni ugendera mu butungane ; agakurikiza ubutabera.
  2. Ni uvugisha ukuri mu mutima we ; ntagenzure ibikorwa by'undi muntu.
  3. Ni uwirinda kugira nabi ; akirinda gusebya umuvandimwe.
  4. Ni utita mu nama z'abamushuka ; akubaha abayoboke b'Imana.
  5. Ni udahindura icyo yarahiriye mu bandi ; akuzuza amasezerano ye yose.
  6. Hubahwe Imana Data na Mwana na Roho Mutagatifu ; nk'uko bisanzwe iteka, bubahwe n'ubu n'iteka ryose. Amina.

INEZA YAWE IRADUHOREHO

Ineza yawe Mana ihoraho (turagusabye)*3 ngo iduhoreho nk'uko amizero yacu ari muri Wowe ; ni Wowe twese twizigiye.

  1. Mana ihoraho, Mana y’ubuntu, ni Wowe dukesha ubugingo; utadukomeje twagwa, utadukomeje twatana, ni Wowe twegamiye Mana yacu.
  2. Mana ihoraho dukomereze mu bugwaneza, ngo tugume, ngo tugume mu rukundo tube abawe, tube abawe, tumurikire n’abatakuzi ngo bakumenye.
  3. Twebwe rero twizigiye Uhoraho, ni We buvunyi bwacu n’ingabo idukingira; ibyishimo byacu bikomoka kuri We, naho amizero yacu akaba mu izina rye ritagatifu.

ROHO YANJYE SINGIZA NYAGASANI

Roho yanjye singiza Nyagasani, ntukagire icyo wibagirwa mu byiza yaguhaye.

  1. Uhoraho ni umunyampuhwe n’umunyambabazi, atinda kurakara kuko ahorana urukundo, Nyagasani ahorana urugwiro kuri bose.
  2. Ndashaka kukurata Mana yanjye, iteka nzasingiza izina ryawe, nzagusingiza uko bukeye.

NYAGASANI NARAKUYOBOTSE

Nyagasani narakuyobotse; nzakuramya, nzagukuza iteka ryose.

  1. Hahirwa umuntu utagana mu nteko y’ababi, ntahagarare mu nzira y’abanyabyaha, kandi ntiyicare mu nteko y’abaneguranyi; ahubwo ahimbazwa n’amateneko y’Uhoraho, y’Uhoraho, akanayazirikana umunsi n’ijoro.
  2. Ameze nk’igiti cyatewe iruhande rw’umugezi, kikera imbuto uko igihe kigeze, amababi yacyo ntiyigere arabirana, ibyo akora byose biramuhira. Naho ababi si uko bamerewe, bamerewe; bameze nk’umurama ukuburwa n’umuyaga.

NZASINGIZA UHORAHO

Nzasingiza Uhoraho igihe cyose, nzahora mwamamaza. Nyagasani yanteye ubwema; abiyoroshya nimwishimire ibyo mvuga. Nimumfashe kurata Uhoraho, dufatanye gusingiza izina rye.

  1. Intumwa y’Uhoraho irinda abamutinya ikabafasha. Nimurebe uko Nyagasani agira ubuntu; hahirwa abamuhungiraho! Nimurate Nyagasani, mwebwe abamwiyeguriye, kuko abamutinya ntacyo babura.
  2. Bana b’Imana, nimuntege amatwi maze nzabigishe gutinya Nyagasani. Nimushaka kubaho no kugira ihirwe, murashake amahoro kanddi muyakurikirane.

ALLELUYA

ALLELUYA
(Pacifique TUNEZERWE)

(Alleluya)*14

  1. Nimusingize Nyagasani, nimurate izina rye mumuhe impundu kuko ari umugwaneza, kandi impuhwe ze zigahoraho iteka. Nimusingize ibigwi bye by’agatangaza, yagaragaje, mumushimire kuva ubu n’iteka ryose alleluia.

ALLELUYA DUSINGIZE IMANA

((Alleluya)*3 dusingize Imana)*2

  1. Ijambo ryawe Nyagasani, ni ukuri n’ubugingo, riratubere itara mu nzira, alleluya.
  2. Ijambo ryawe Nyagasani, ni ifunguro rya roho, dutere umwete turikunde, Alleluya .
  3. Ijambo ryawe Nyagasani, ni imbaraga z’abarikunda, dukomeze twoye kunanirwa, Alleluya.

ALELUYA UMUHAMIRIZO

(Alleluya)*4

  1. Nimusingize Nyagasani mu ngoro ye, nimumusingize mu bubasha bwe buhanitse, nimumurate kuko yakoze ibitangaza, nimumurate kuko afite igitinyiro gihanitse.
  2. Nimumusingirize mu ijwi rirangira ry’impanda, nimumusingirize mu nanga zivuga neza, nimumusingirize mu myirongi mumusingirize mu mihamirizo n’ingoma.
  3. Niimumurate mu majwi aranguruye, nimumurate mu majwi aranga imitsindo ye, biremwa mwese byo munsi, nimusingize, nimusingize Nyagasani.

GUTURA

TUZANYE AMATURO

Tuzanye amaturo (Dawe), tuyagutuye tubanje kwigorora n’abavandimwe twahemukiye, (ngo uyahe umugisha natwe uduhe umugisha)*2.

  1. Tugutuye Dawe Umugati na Divayi, biza guhinduka umubiri n’amaraso bya Yezu Kristu.
  2. Tugutuye Dawe imibiri yacu, ibe ingoro yawe; n’ibyo dutunze byose ni ibyawe.
  3. Tugutuye Dawe abakwiyeguriye, bahe Roho wawe bibuke isezerano mwagiranye.
  4. Tugutuye Dawe abatakuzi, bahe intumwa zawe, maze na bo bose bakumenye.
  5. Tugutuye Dawe uru Rwanda rwacu, abaruyobora n’abarutuye bose bakumenye.
  6. Tugutuye Dawe ibihugu byose birimo intambara, bikurangamire wowe Mana nzima.

AKIRA MANA DUKUNDA

R/: Mana dukunda, akira aya maturo, dukesha ibyiza waduhaye. Yatagatifuze akunogere Mubyeyi, tuyaguturanye umutima mwiza uyakire Dawe.

  1. Dore tuje imbere yawe ugira ibambe twakire. Akira ubu buzima bwacu, ni wowe tubukesha.

    R2/: Nku'ko wanyuzwe na Kristu gitambo, akira aya maturo, akunyure.

  2. Umugati na Divayi tugutuye byakire, biva mu mirimo yacu bihindure Kristu. +R2
  3. Urangwa n’ubuntu urangwa n’urugwiro (akira), tuzagushima tugusingirize ineza yawe idashira. +R2
  4. Twisunze impuhwe zawe ugira ibambe twakire, ha umugisha ibiganza byacu, bigukorere bikwiye. +R2
  5. Tugutuye umuryango wawe Dawe wakire, wubumbire mu rukundo, ukubere, Mugenga. +R2
  6. Tugutuye iyi si yacu, ugira ibambe yakire, akira uru Rwanda rwacu uruhaze amahoro.

AMATURO YACU

R/: Amaturo yacu Nyagasani, naguheshe ikuzo ryinshi, maze n’umugisha wawe uyatagatifuze.

  1. Umugati na Divayi bivuye mu maboko y’abana bawe, byakire Nyagasani, bituranywe umutima ukeye.
  2. Twifatanije na Kristu, We gitambo nyakuri cyadukijije, tugutuye imirimo, n’ibitunaniza byose.
  3. Urukundo rwawe Mwimanyi, nirusakare mu bavandimwe bose bishyire hamwe, bogeze ku isi izina ryawe.

AKIRA MUBYEYI
(Arcade IYAMBONYE)

R/: Akira iri turo tuzanye, ryakire Dawe urihe umugisha wawe, (ryakire rikunyure mubyeyi)*2.

  1. Tugutuye uyu mugati ngo uwuhe umugisha Dawe; niw Wowe tuwukesha Mana nzima, wuhe umugisha utubere umubiri wa Kristu, we gitambo nyabuzima.
  2. Tugutuye iyi divayi, uyihe umugisha Dawe; ni Wowe tuyikesha Mana nzima, yihe umugisha itubere amaraso ya Kristu, We gitambo nyabuzima.
  3. Tugutuye uru Rwanda n’abaruyobora bose, ni Wowe wabafasha Mana nzima, kuyobora imbaga baragijwe mu rukundo no mu bwiyoroshye.
  4. Tugutuye Abanyarwanda ngo ubahe umugisha Dawe, ni Wowe bayobotse Mana nzima; barashaka gusa nawe mu buzima bwabo, babe hafi buri gihe.
  5. Tugutuye imirimo, dukora dufashe Dawe, ni Wowe tuyituye Mana nzima, ngo itubere inzira itugeza ku butungane, Dawe Mana twumve.
  6. Tugutuye abashonji ngo ubitungire Dawe. Ni Wowe tubatuye Mana nzima, bahe umugisha ubahaze, ibyishimo n’amahoro bibarange buri gihe.

ITURO RYACU

Ngiri ituro tuzanye, ni Wowe turikesha, Dawe uryakire (bis).

  1. Akira uyu mugati tuzanye, uhinduke umubiri w’Umwana wawe, natwe uduhe umugisha.
  2. Akira iyi divayi tuzanye, ihinduke amaraso y'Umwana wawe, natwe uduhe umugisha.
  3. Tugutuye ubuzima dufite, ibyacu byose dutunze Nyagasani ni Wowe biturukaho.
  4. Tugutuye miruho tugira, imibabaro n’amagorwa Nyagasani, byose turabikweretse.

HA UMUGISHA AYA MATURO

R/ Ha umugisha aya maturo, tugutuye Mana nzima, uyahawe n’abana bawe.

  1. Tuyaguhanye icyubahiro, Mugenga w'isi n'ijuru, avuye mu byo waduhaye, ngo bidutungire ubuzima.
  2. Amaboko waduhaye, ni yo dukesha uyu mugati, uza guhinduka umubiri w'Umwana wawe Yezu Kristu.
  3. Iyi divayi biri kumwe, na yo idutungira ubuzima; uyiduhindurire ifunguro ribeshaho roho zacu.

IBYO DUTUNZE BYOSE

R/ Ibyo dutunze byose ni ibyawe, Nyagasani, dushimishijwe no kugutura Yezu, Gitambo cy’ukuri.

  1. Mana Ihoraho: duhe urukundo rukunda abawe ni Wowe watwiremeye.
  2. Mana Ihoraho, icyo dushaka ni ukuba abawe; jya udufasha kukugana.
  3. Mana Ihoraho, dusindagize uturinde umwanzi, duhore tugukorera.
  4. Mana Ihoraho, ni Wowe soko y'inema zose turagusabye ziduhe.

EE BWANA UIPOKEE

Ee Bwana uipokee, hii sadaka tunayokutolea. (bis)

  1. Twatolea mkate wamashamba, uupokee Bwana, ugeuke kuwa mwili wa Mwana wako, ee Bwana.
  2. Twatolea divai hii, uipokee Bwana, igeuke kuwa damu ya Mwana wako, ee Bwana.
  3. Na pia magumu ya maisha, twakutolea Bwana, yapokee na huruma kubwa sana, ee Bwana.
  4. Na pia wazazi wetu wote, twakutolea Bwana, ubaliki watucunge vema sana, ee Bwana.

UBARIKIWE BWANA

(Ubarikiwe ee Bwana, yote tunayo ni mali yako)*2. (Sadaka hii tunayokutoleya ikupendeze)*2.

  1. Tumepokeya kwa wema wako, mkate huu tunayokutoleya, ee Bwana uwe kwetu sisi mkate wa uziima, asifiwe Bwana Mungu milele.
  2. Tumepokeya kwa wema wako, divayi hii tunayokutoleya, ee Bwana iwe kwetu sisi kinywagi cha roho. Asifiwe Bwana, Mungu milele.

AKIRA YEZU MWIZA

(Aleluya)*4.

  1. Akira Yezu Mwami mwiza, akira imitima y’abawe.
  2. Akira n’imibiri yabo, ibyabo byose ubyijyanire.
  3. Tagatifuza abakwizera, baguhereze bakwizihiye.
  4. Banisha neza abo wacunguye n’uwabahanze wabohereje.
  5. Hasingizwe Imana mu Butatu, ubu n’iteka ryose, amina.

UPOKEE ZAWADI ZETU

Upokee Baba zawadi zetu, (twakutolea ee baba sadaka hii uipokee)*2.

  1. Mkate na divayi twakutolea Baba, ukubali kuvigeuza Mwili na Damu ya Mwana wako.
  2. Kwa ajili yetu Kristo alijitoa, upe nasi kujitolea kwa ukovu wa dunia nzima.
  3. Vintu vyote ni mali yako Baba Mungu, twakutolea Baba Mungu zawadi ulizo tupatia.

SASA NI WAKATI

Sasa ni wakati wa kutolea, toeni sadaka wa ndugu na moyo mwema.

  1. Ona twakuja kwako, kukutolea sadaka.
  2. Sadaka tunayoleta, ni kazi ya mikono yetu.
  3. Sadaka tunayotoa, ni alama ya mapendo.
  4. Ukiwa na moyo mgumu, usitoe sadaka yako.
  5. Tutoe na moyo mwema, nasi tutabalikiwa.
  6. Ukiwa na chiki ndugu, sadaka yako ni ya bure.

SHOGOMANGA N’ISHIKANWA

Shogomanga n’ishikanwa, turihereze Imana, ni Yo itanga vyose.

  1. Umukate n’umuvinyo tubihereze Imana, shogomanga n’ishikanwa, abavyeyi n’ibibondo tubahereze Imana, ni Yo itanga vyose.
  2. Ababanyi n’abagenzi,
    abakunzi n’abatwanka....
  3. U Rwanda n’abanyarwanda,
    abatwarwa n’abatwawe...
  4. Bene wacu, abarwaye n’abagowe...
  5. Umuryango w’abakristu,
    eka twese turi ngaha.

NDAJE KUGUSHIKANIRA

Ndaje Mana kugushikanira, nyakirira agaturo kagushimishe, kandi nanje ndakwihereje Mana umpezagire.

  1. Nguhereje umukate akira ushime,
    nguhereje n’umuvinyu akira ushime,
    abavyeyi n’ibibondo, nyakirira se Mana nanje umpezagire.
  2. Nguhereje ababanyi, ...
    nguhereje abagenzi, ...
    abakunzi be n’abanyanka,...
  3. Nguhereje abarwayi, ...
    nguhereje abagowe, ...
    abahiriwe n’aboro,...
    4. Nguhereje abasaza, ...
    nguhereje n’utwana, ...
    abahungu be n’abigeme,...
  4. Nguhereje abatwara, ...
    nguhereje abatwarwa, ...
    u Rwanda n’isi yose,...
  5. Abakwihaye bose, ...
    abakristu bo ku isi, ...
    abari aha n’ab’ahandi,...

UTUKUZWE EE BABA
  1. Utukuzwe ewe Baba Mungu utukuzwe, alleluya.
    Kwani Yesufufuka ametualika alleluya.

    (Utukuzwe, utukuzwe Baba Mumba uli mwengu alleluya)*2.

  2. Tumepokea mkate mazao ya mashamba, alleluya.
    Ndio alama kwetu ya wema wako mkuu, alleluya.
  3. Ni tunda la bidii ya mkono na ya moyo, alleluya.
    Kalie uwe kwetu chakula cha uzima, alleluya.
  4. Zawadi ya divai kutoka mizabibu, alleluya.
    Ndio alama kwetu ya wema wako mkuu, alleluya.
  5. Ni tunda la bidii ya mkono na ya moyo, alleluya.
    Jalie iwe kwetu kinywaji chake roho, alleluya.
  6. Utukuzwe ee Mungu uliye tuchanguwa, alleluya;
    Tuwe taifa lako na kukutumikia.

BABA MWEMA

Baba mwema, Baba mwema, ayo Baba mwema, Baba pokea sadaka.

  1. Sisi wote twafurahi, sadaka yetu imepokelewa.
  2. Mkate na divai, twatolea uvipokee.
  3. Wababa na wa mama, toeni wote sadaka.
  4. Wakaka na wadada, toeni wote sadaka.
  5. Watoto na wazee, toeni wote sadaka.

TOENI SADAKA

(Toeni sadaka, toeni sadaka, toeni sadaka kwa upendo wa Mungu toa)*2.

  1. Upendo wangu, kwa upendo wa Mungu toa.
    Na sara wako, kwa upendo wa Mungu toa.
  2. Ujana wako, ...
    Usichana wako, ...
  3. Na mali zako, ....
    Na ushali zako,...
  4. Na upendo wako, ...
    Na watoto wako, ...
  5. Na fedha zako, ...
    Na uzee wako, ...

AKIRA AYA MATURO
(A. Gabin BIZIMUNGU)

R1/ Akira aya maturo Dawe, akira ibyo dutunze. Twifatanyije na Kristu witanzeho igitambo kitagira inenge.

  1. Umugati na Divayi bihe umugisha, bihinduke umubiri n'amaraso bye; yabidusigiyeho ifunguro, akira.
    1. R2/ Mana ishobora byose, (tugushimiye) akira ibyiza waremye byose, Mubyeyi uduha ibyo dukeneye, akira.
    2. Ibyiza dukora byose bihe umugisha, ibyo dukora nabi tubabarire, mu ntege nke zacu udukomeze, akira +R2.
    3. Abemera izina ryawe bahe umugisha, abato n'abatakuzi bereke inzira, Kiliziya yawe uyirengere, akira +R2.
    4. Abo waremye bose bahe umugisha, umwanzuro sekibi arabugarije; utahe imitima y'abihebye, akira. +R2
    5. Isi dutuye Dawe, yihe umugisha; gukunda uko wadukunze biraturushya, amahoro aranga akaba make, akira. +R2

EGOME

R/ Egome, egome, birakwiye ko nanje nshikanira Imana yampaye vyose.

  1. Yarandemye ingira umuntu, ndabishima.
    Yarankunze iranzigama, ndabishima.
  2. Yarampaye abavyeyi, ndabishima.
    Yarampaye abagenzi, ndabishima.
  3. Nararwaye irantabara, ndabishima.
    Ncumuye irantabara, ndabishima.
  4. Yarampaye Ijambo ryayo, ndabishima.
    Irampa ubuzima bwayo, ndabishima.
  5. Yaranyeretse inzira nziza, ndabishima.
    Yama imbwira ukuri nyako, ndabishima.

AKIRA
(Matthieu NGIRUMPATSE)

R/ Nyagasani Mana yacu, akira igitambo cy’abana bawe.

  • Akira Dawe, akira Dawe, imitima yacu, uyisukure maze itungane, Dawe ikunogere.
  • Akira Dawe, akira Dawe aya maturo. Ntiwite ku bicumuro twakugiriye Dawe. Muremyi wacu turakwinginze: tubabarire wakire aya maturo tugutuye twiyoroheje.
  • Mana nyir’ubuzima, tugutuye imiryango y’imbaga yawe, uyakire Dawe, uyihe amahoro n’urukundo, maze uyisendereze imigisha.

    • TUGUTUYE AYA MATURO

    R/ Tugutuye aya maturo Dawe, tugutuye aya maturo, akira; tuyaguturanye umutima wiyoroheje.
    Tubabarire uyakire Mubyeyi mwiza. (bis)

    1. Turagusabye Rurema, imitima yikize ubwandu, sukura imibiri yacu.
      Ibi tugutuye Mwami ni wowe tubikesha, bishimirwe.
    2. Akira uyu mugati, uwuhe umugisha uwuhindure umubiri wa Kristu.
      Ibi tugutuye Mwami ni wowe tubikesha, bishimirwe.
    3. Akira na Divayi, uyihe umugisha uyihindure amaraso ya Kristu.
      Ibi tugutuye Mwami ni wowe tubikesha, bishimirwe.
    4. Dushaka kugusenga, iyi si ikatugira abayo, dufashe kuyitsinda.
      Ibi tugutuye Mwami ni wowe tubikesha, bishimirwe.
    5. Reba abashonji, ubere indushyi icumbi Dawe, tukweretse n'indembe.
      Ibi tugutuye Mwami ni wowe tubikesha, bishimirwe.
    6. Akira abayobozi, ubahe umugisha ubatoze kurangamira icyiza. Ibi tugutuye Mwami ni wowe tubikesha, bishimirwe.

    TUJE KUGUTURA
    1. Tuje kugutura Nyagasani amaturo watwihereye, umugati w'imbuto zituruka mu butaka aho zabibwe n'abantu.
      Shimirwa Nyir'ingoma kuko ugiye kuwuhindura umugati w'ubuzima.
    2. Tuje kugutura Nyagasani amaturo watwihereye, Divayi y'umuzabibu uturuka mu butaka watewemo n'abantu.
      Shimirwa Nyir'ingoma kuko ugiye kuyihindura Divayi soko y'ubuzima.

    UMURYANGO WAWE WOSE

    R/ Umuryango wawe wose (Akira, Akira, Mwami), uzanye amaturo meza (Akira, Akira, Mwami), ngo uyashyire ku meza yawe (Akira, Akira, Mwami), tugutuye umutima mwiza.

    1. Amahanga yose y'isi, arashima ko uri Rurema, Dawe ineza watugiriye, ntugahweme kuyitugirira.
    2. Umugati na divayi, byavuye mu maboko yacu, ubihindure bibe umubiri n'amaraso bya Yezu Kristu.
    3. Amahanga yose y'isi, arashaka kukurata, natwe kandi, Mana Rugira, tugutuye ibyo dutunze.
    4. Tugutuye imirimo y'isi, tugutuye ibyishimo by'isi, tugutuye n'bidushavuza, tukwihaye twese, udufashe.
    5. Ibi tugutuye Mwami, Ni wowe tubikesha, akira. Twifatanyije na Yezu Mukiza, uratumenye, utugire abawe.

    TUGUTUYE UBUZIMA

    Ref./ Mana waturemye ukaduha ubuzima, turabugutuye ngo ubusubirane. Akira, akira Dawe, ntacyo dusize. Tubugutuyeho ituro ryo kugushima no kugusingiza.

    1. Uyu mugati tuzanye uri bube umubiri w’Umwana wawe;
      ni Wowe tuwukesha, akira.
    2. Iyi divayi tuzanye iri bube amaraso y’umwana wawe;
      ni Wowe tuyikesha akira.
    3. Ubuzima bwacu ni Wowe wabuduhaye.
      Ni wowe tubukesha, akira.
    4. Imitima yacu ni wowe wayiduhaye.
      Ni wowe tuyikesha, akira.
    5. Imbaraga zacu ni Wowe waziduhaye.
      Ni wowe tuzikesha, akira.
    6. Ugushaka kwacu ni wowe wakuduhaye.
      Ni wowe tugukesha, akira.

    TWESE TURI ABAWE

    R/: Twese turi abawe, ibyiza byose biva iwawe. Mana nziza nyir’ubuntu, amaturo tugutuye nagutunganire.

    1. Soko y’ubutungane twagucumuyeho, tugutuye imitima, ngo uyakirane urukundo ntiwite ku buhemu no ku makosa twakoze.
    2. Soko y’imigisha uyiduhundagazeho, tugutuye ibyacu byose, ngo biguheshe ikuzo, Mana isumba byose, abe ari wowe ubigenga.
    3. Soko y’amahoro ni wowe uyatugabira, tugutuye iyi si yacu, uyirinde amakuba ihora ihura na yo, uyihe guhora ituje.
    4. Soko y’imbaraga zituma tugukorera, tugutuye intege zacu, uzidukomereze mu mirimo dukora, tukubere intumwa z’ukuri.
    5. Soko y’impuhwe nyinshi ugirira abawe, tugutuye abatakwemera, ubagarure mu bawe bose bakuyoboke, twese tube umuryango umwe.
    6. Soko y’ubuzima dukesha ubuntu bwawe, tugutuye imirimo, urugendo turimo, mu isi y’imibabaro, turusohoreze iwawe.
    7. Soko y’ingabire ugenera abawe, tugutuye abatuyobora, bahore bakunyuze, bose ubahe iteka gukora ugushaka kwawe.
    8. Soko y’urumuri rutuyobora iwawe, tugutuye abatakuzi, uboherereze intumwa zawe bakumenye, na bo bajye bakwamamaza.

    NYAGASANI AMATURO YACU

    R/: Akira Nyagasani, amaturo yacu, uyatagatifuze Mana kugirango akunogere.

    1. Mubyeyi udukunda rwose, kandi ugira ubuntu bwinshi, tugutuye ibyo dutunze byose, ni wowe wabiduhaye, tubigusingirize.
    2. Iki gihugu dukunda, turakigutuye dawe, ugitake ubwiza bw’umutima, abategetsi b’u Rwanda bose ubahe amahoro.
    3. Tugutuye iyi si yacu, n’ubuzima bwayo bwose, uburakari n’ubwikanyize, roho wawe w’urumuri byose abihanagure.
    4. Tugutuye abatakuzi, ubatoze kugukunda, abakwimuye bose bo munsi, ubagarure mubawe, maze bakuyoboke.
    5. Tugutuye abagukunda, ubakomereze ukwemera, ibituyobya tubyamagane, urukundo rwawe Dawe, twese rudukomeze.
    6. Tugutuye abakwihaye, kandi bakwiyeguriye, Yezu Kristu bose bakorera, abahe ubuzima bwiza, n’isi ibone kuba nziza.

    SHYIKIRA MANA Y’ISHEMA

    Mana y’ishema, shyikira Mana ihoraho, shyikira Mana nzima, ituro ryarobanuwe mu yandi yose, ryakire, Dawe, rihe umugisha, uritagatifuze Dawe, ryemere, rikunogere maze urihindure umubiri, n’amaraso by’umwami wacu Yezu Jambo wawe Uhoraho.

    1. Turiguturiye Kiliziya yawe ntagatifu, gatolika, tugusaba kuyiragirira ukayibumbira mu bumwe, ukaba hafi yayo ukayigenga uko bukeye.
    2. Ni riheshe izina ryawe Uhoraho ikuzo n’ibisingizo, ibihe turimo ubisakaze amahoro n’ineza yawe, kandi wemere kutubarira mu ntore zawe Mana nzima.

    AKIRA
    (Wellars BAHATI)

    Dawe ni wowe nyir’ubugingo, ibiriho byose biva iwawe. Dawe, tuje kugutura ibyo waduhaye, Mubyeyi,. Akira Dawe iri turo, rivuye mu byo waduhaye akira, akira Dawe akira, akira.

    1. Tuzanye umugati uva mu mbuto duhinga, turawugutuye ngo uwuhindure umubiri wa Yezu, we gitambo nyakuri koko ituro ritagira inenge.
    2. Tuzanye divayi iva mu mbuto duhinga, turayigutuye ngo uyihindure amaraso ya Yezu, we gitambo nyakuri koko ituro ritagira inenge.
    3. Tugutuye ibyacu byose, tugutuye abacu bose kandi natwe ubwacu turakwihaye, kandi natwe ubwacu turakwiyeguriye.

    RUMURI RUBENGERANA IMPUHWE
    (Wellars BAHATI)

    Rumuri rubengerana impuhwe, nyir’ijuru Mana waturemye, akira. Akira igitambo uherejwe n’umuryango wawe, akira Nyagasani iri turo tuguhereje twiyoroheje.

    1. Turagusingiza Nyagasani Mana y’isi n’ijuru, kuko watugiriye ubuntu ukaduha umugati; turawugutuye ukomoka ku mbuto, no ku murimo w’amaboko y’abantu, wakire, wuhe umugisha. Akira Dawe maze uwuhunde imigisha, wuhunde imigisha maze uwuhindure umubiri wa Yezu Kristu Jambo wawe , we gitambo nyabuzima kitagira inenge.
    2. Turagusingiza Nyagasani Mana y’isi n’ijuru, kuko watugiriye Ubuntu ukaduha divayi; turayigutuye ikomoka ku mbuto, no ku murimo w’amaboko y’abantu, yakire, yihe umugisha. Akira Dawe maze uyihunde imigisha, yihunde imigisha maze uyihindure amaraso ya Yezu Kristu Jambo wawe , we gitambo nyabuzima kitagira inenge.

    AKIRA AMATURO

    Akira amaturo, amaturo y’abana bawe, (bahuje imitima)*3 ngo bagusingize.

    1. Wowe mugenga wa byose, muremyi wacu turagusenga.
    2. Ibyiza byose dutunze ni wowe wenyine tubikesha.
    3. Twacumuye ku waturemye aradukunda aduha umucunguzi.
    4. Icyatuzinduye twese ni ukugutura ibyiza dutunze.

    GUSANGIRA NO GUSHENGERERA YEZU MU UKARISTIYA

    TWE ABAYOBOKE

    R/: Twe abayoboke ba Yezu Kristu dukundane nk'uko yadukunze biturange; urukuhdo ruyitake imitima yacu ayigire ingoro ye, tuzatahana isuku Kwa se mu ijuru, Yezu azatwakira atubumbatiriye mu kwaha kwe kw’iburyo.

    1. Yezu mpa kugukunda, ndashaka kugukunda, kuko uri rukundo wahehuje gukunda, ujya gutega umubiri wawe bagasesa amaraso yawe.
    2. Yezu uwagukunda nta kindi yakunda, ikiguzi watanze ngo tugure urukundo, turonke umukiro uhoraho nta rukundo bihwanye.
    3. Yezu ukwiye urukundo rwa nta kundi urukundo, kugukunda nkitanga ngusabye urwo rukundo, uko bucya bukira ngenda nungura urwo ngukunda.
    4. Yezu Mwami mwiza, kugukunda ni ibihe, icyabitanga ni iki kitari impuhwe zawe, girira impuhwe zawe umpe kumenya ko ngukunda.
    5. Yezu Mwami mwiza, undereshe umubiri wawe, nondojwe amaraso yawe ngo nkunde nzaze iwawe, iteka mpanezerererwa nanitange Yezu wanjye.
    6. Yezu icyiza ntunze, gikwiye ishimwe ukwiye, gusa ni impuhwe zawe n’urukundo byagusaze, wifuza ko ntunga nshaka kwakirana ubwuzu.

    MFITE INYOTA N’INZARA

    (Mfite inyota n’inzara)*2. Nsonzeye ineza yawe Yezu mfungurira, nsonzeye impuhwe zawe Yezu mfungurira, nshonje amahoro utanga Kristu mfungurira , mpaza urukundo rwawe Kristu mfungurira, ni Wowe wenyine funguro ry’ubuzima, ndaje ngo umare inzara n’inyota Kristu mfungurira.

    1. Yezu mbaraga zanjye riba mvomaho impuhwe, Yezu rukundo rutagira umupaka.
      Ndaje mukiza, ndaje ngo unkize, nsonzeye ijuru, umubiri wawe, n’amaraso yawe nizo mbaraga zanjye iteka Mwami.
      1. Yezu mukiza wanjye mpa kugukomeraho iyo ngusanze umutima uratuza.
      2. Yezu warankunze wemera kwitanga, utsinda umugome wari unyigabije.
      3. Yezu munezero w’umutima wanjye, ndanyurwa iyo ndi imbere y’ubwiza bwawe.
      4. Yezu bubasha bw’ijuru, jambo mwene Uhoraho, mpa kugukunda na roho yanjye yose.

    NDI UMUGATI W'UBUZIMA
    1. Ndi umugati, ndi umugati w’ubuzima w’ubuzima, (uje ansanga uje ansanga ntazigera asonza)*2.

      Kristu washenguwe n’ibyaha bya muntu, Kristu nyuhagiza amaraso yawe, Kristu usendereye ikuzo ry’Imana, Kristu mfungurira nsonzeye umubiri wawe.

    2. (Kandi unsanze wese)*2 nzamutura umutwaro we, nzahora murinda, nzamurinda nzamutura umutwaro we.
    3. Urya uyu mubiri wanjye akanywa aya maraso yanjye, (azazuka)*3 ku munsi w’imperuka.
    4. Ndi umushumba mwiza, nkaba inshuti nyayo, ndi umushumba mwiza namennye amaraso yanjye kubera intama zanjye; (ndi umushumba mwiza)*2.
    5. (Nta cyaruta urukundo nko kwitangira inshuti zawe)*2.

    UDUTUNGIRA UBUZIMA

    Udutungira ubuzima, uri umugati wo mu ijuru, uri ubugingo bw’abana b’Imana, Kristu wadukunze iteka, uko amasekuruza asimbura amasekuruza.

    1. Duhe twese umutima umwe wo guharanira iby’ijuru, twange ibiza bidushuka kuko utuzaniye ubuzima.
    2. Tukubere ingoro nzima, buri munsi utwitungire duse nawe Nyagasani twese abana ba nyir’ijuru.
    3. Udutoze gukundana nk'uko ubwawe wabigize, igihe twese utwitangiye, ukaturonkera umukiro.
    4. Hari umwanzi utwugarije, hari benshi yigabije ngwino Mwami w’imitsindo wowe ubwawe uture imitima.
    5. Utabare abababaye batananirwa bakiheba, ugoboke intege zabo kuko ugira ubuntu n’impuhwe.
    6. Mara ubwoba ababufite babuterwa n’ibihita ubakomeze mu kwemera mu mitima ubahe amahoro.
    7. Udukomeze mu butumwa tubushyire ababukeneye, maze bose bakumenye wowe ubwawe ubamurikire.

    TWASANGA NDE?

    Twasanga nde Nyagasani? Twasanga nde utari wowe ufite ubugingo bw’iteka?

    1. Nyagasani tutari kumwe nawe ntacyo twakwimarira?

      R2/ Ngwino, ngwino ugumane natwe.

    2. Ni wowe soko y’agakiza, ngwino, ufite Ijambo ry’ubuzima ngwino.
    3. Ngwino uture iwacu, ngwino udusenderezemo urukundo tunywane nawe.
    4. Tuyobore ku Mana Data, ngwino, tunogerwe no kwibanira na nyir’ubutagatifu, ngwino.
    5. Ubana nawe yibanira n’Imana Data, akayoborwa na Roho mutagatifu.

    MWAMI W’IMITSINDO

    Mwami utamirije imitsindo, Mwami ni wowe mukiza. Mpa kugukunda no kukwiyegurira ese nasanga nde wundi, nasanga nde wundi, nasanga nde utari wowe bugingo bw’iteka.

    1. Ni Wowe ubwawe wavuze uti "Ni njye mugati w’ubuzima, umpabwa wese ntazasonza bibaho, unyemera wese ntazagira inyota soko y’ubuzima ndaje ndaje ngo unkize.
    2. Ni Wowe ubwawe wavuze uti "Ni njye muzabibu muri amashami; umbamo nanjye nkamubamo ni we wera imbuto nyinshi, kuko tutari kumwe ntacyo mwakwimarira." Soko y’imbaraga ndaje, ndaje ngo unkize.
    3. Ni Wowe nzira y’ukuri, jye ndagusanze unyiyoborere, ntsinde umwanzi unca intege maze ngukorere by’ukuri; kuko ubana nawe arangwa n’ituze, soko y’amahoro ndaje, ndaje ngo unkize.

    BAKUMENYE

    Ubuzima bw’iteka nuko bose bakumenya, bakumenye wowe Mana nyakuri, n’uwo watumye Yezu Kristu.

    1. Dawe, nabamenyesheje izina yawe, kandi nzakomeza kuribamenyesha, kugira ngo urukundo wankunze rubabemo nanjye mbabemo.
    2. Dawe, nk'uko wantumye hano mu nsi, nanjye nabatumye ku isi, ndakwiyeguriye aribo ngirira, aribo ngira.
    3. Dawe, ikuzo wampaye nanjye nararibahaye, mbe muri bo ube muri jye bigiremo ubumwe bwuzuye.
    4. Dawe, abana bawe bo mu Rwanda, dufashe kukumenya kukumenya by’ukuri, Mana y’urukundo imbabazi n’amahoro, amahoro nyakuri.
    5. Dawe, watubumbiye mu muryango umwe, ntudutererane komeza abo wacunguye, turangwe n’urukundo koroherana kivandimwe nk'uko wabitwigishije.
    6. Dawe, watwoherereje Umwana wawe, maze adusangiza ubuzima bwawe, dutere umwete n’ishyaka tujye twamamaza ivanjiri, ingoma yawe yogere.

    NGUFITIYE INYOTA Umutima wanjye ugufitiye inyota n’umubiri wanjye ukagira urukumbuzi; meze nk’ubutaka bw’agasi bwabuze amazi bukumirana.
    1. Mwami Mana yanjye nzakubona ryari, ko nkumbuye iwawe nzahagera ryari? Mpa kwibera iwawe.
      Ni wowe nyir’ukuboko k’ubutwari n’ikiganza cyawe kikadukiza.
    2. Yeruzalemu nshya ni ho tuzatura, ku musozi mwiza umwe wa siyoni, twibanire nawe.
      Ni wowe nyir’ukuboko k’ubutwari n’ikiganza cyawe kikadukiza.
    3. Umutima wanjye wibutse ijambo ryawe, wowe wambwiye uti "Hindukira undebe." None nje ngusanga.
      Ni wowe nyir’ukuboko k’ubutwari n’ikiganza cyawe kikadukiza.
    4. Bwiza buzira inenge ngwino hafi yacu, ngwino rugori rwera ngwino hafi yacu, kaze Mwami mwiza.
      Ni wowe nyir’ukuboko k’ubutwari n’ikiganza cyawe kikadukiza.
    5. Ubutabera bwawe ntacyo bwagereranywa, impuhwe n’urukundo byo birahebuje, twirerere mubyeyi.
      Ni wowe nyir’ukuboko k’ubutwari n’ikiganza cyawe kikadukiza.
    6. Ineza yawe Mana iraduhoreho iteka, amizero yacu ni wowe ashingiyeho, turagusabye Dawe.
      Ni wowe nyir’ukuboko k’ubutwari n’ikiganza cyawe kikadukiza.
    7. Dawe abagushaka bahore bakwiringira, abazi umukiro wawe bakuvuga hose, ntawe ugwa agusanga.
      Ni wowe nyir’ukuboko k’ubutwari n’ikiganza cyawe kikadukiza.

    IZUBA RY’IMITIMA

    Ngwino Nyagasani zuba ry’umutima wanjye, mahirwe yanjye tuzagendana, niringiye imbabazi zawe Mana ihoraho, Mana wandemye, ubwo turi kumwe ndi amahoro, ndi amahoro, nubatse ku rutare.

    1. Ndumva ibiyaga bihogera ni ibiki, ko amahoro aganje iya kare, kuki tunyuzamo tugacubangana? Twakwemeye ubwo akaza, twamwemereye icumbi; twazahorana iteka iteka tukamusingiza.
    2. Nyagasani Mana yanjye ngusabe, kuko kenshi ntagukurikiye kandi ari wowe rumuri rw’imitima: jyewe mu mutima wanjye nshaka ko uhagira imbata nkahakubakira indyamo iteka nkajya ngusingiza.
    3. Icyampa ngo menye gushengerera Rugira we watwiremeye tutaguze; tutari kumwe ntacyo nakwimarira. Nzamuvuga ibigwi hose, nzamuha icyicaro akwiye, nzamubwira abatamuzi maze iteka bamusingize.

    WADUKUNZE MBERE

    Nyagasani uradukunda ku buryo butangaje, muri Kristu waducuje nyakibi utugabira ubugingo bw’iteka, Nyagasani koko ni wowe wadukunze mbere, dusenderezemo imbaraga zawe Roho mutagatifu, duhorane umwete mu nzira ikugana.

    1. Kristu wadukunze ukadupfira ukazukira kudukiza, ganza mu mitima yacu imirimo yacu ibe ingoro igukwiriye.
    2. Kristu wowe buzima ukuri n’inzira uri urumuri rwacu, tura mu mitima yacu imirimo yacu ibe ugushaka kw’Imana.
    3. Kristu udukomeza udutabara, mu rugendo rugana ijuru, ganza ubumbe isi yose ubuzima bwacu bube wowe wazutse.

    NDI UMUZABIBU

    Ndi umuzabibu mwe mukaba amashami, umbamo nanjye nkamubamo ni we wera imbuto nyinshi.

    1. Nimukurikiza amategeko yanjye, muzaguma mu rukundo rwanjye nk'uko nanjye nakurikije amategeko ya maze nkaguma mu rukundo rwe.
    2. Sinkibita abagaragu kuko umugaragu atamenya icyo shebuja akora, mwebwe ho mbise inshuti kuko nabamenyesheje ibyo Data yambwiye byose.

    DUSANGIRE

    Bana b’Imana, bana b’Imana nimucyo dusangire, dusangire agakiza, ifunguro rehire ni Kristu wadukunze, ifunguro rehire ni Kristu waducunguye.

    1. Umubiri wawe Yezu ni ikiribwa cy’ubuzima, amaraso yawe Yezu ni ikinyobwa cy’ubuzima, Ukaristiya duhabwa ni wowe rukundo nyarwo.
    2. Mu gusangira Kristu twunga ubumwe rwose, mu rupfu n’izuka dukesha umukiro wacu. Ukaristiya duhabwa ni koko rukundo nyarwo.
    3. Rangamira Yezu umuhange amaso, umutima wawe umukere agutagatifuze; Ukaristiya tureba niduhe umutima mwiza.
    4. Murakomere ku butorwe mukundane rwose, mukomeze cyane musenge kugira ngo mutsinde umwanzi. Ukaristiya mbahaye nibahe gutsinda ntore.
    5. Turi mu rugendo bakristu, nimucyo twifatanye, ubukristu butubyarire ubuvandimwe nyabwo, Ukaristiya duhabwa niduhe urukundo nyarwo.
    6. Iri funguro ryacu riduhe gukundana, riduhe kuzabona Bwiza mu buzima bwiza bw’ijuru. Ukaristiya duhawe niduhe urukundo nyarwo.

    BWANA YESU ALISEMA
    1. (Bwana Yesu alisema tupendane, upendo ndiyo amri kubwa kwetu)*2.

      Amani idumu duniani kote, toe na upendo kwa majirani, kuwapenda na kuwasaidia, wanaoitaji musada wetu.

    2. (Hata na kutoa mali yangu yote, nikiwa sina upendo si kitu)*2.
    3. (Upendo wa Mungu kwa mwanadamu, hutokana na kutii amri zake)*2.

    NI WOWE UDUTUNZE NYAGASANI

    R/ Ni wowe udutunze Nyagasani, komeza uduhaze urukundo, umugisha wawe uturagire, duhorane umwete mu byawe.

    1. Umuryango wawe, Nyagasani ushima impuhwe uwugwiriza, n'uko utawuhana mu makuba, nutere imbere mu rukundo.
    2. Nkubwiye ijambo rikomeye, riremerwe rinubahwe, ko Yezu yapfiriye abanyabyaha akabakiza mu rukundo.
    3. Urakomere ku butorwe, urabe umuganji mu kwemera, kandi urajye usenga ubudahuga, utere imbere mu rukundo.
    4. Nyagasani ashakira bose kugira urugwiro no gukizwa, bose bahugukirwe n'ukuri batere imbere mu rukundo.
    5. Rera ingabo zawe mu mahoro, duhe kukurata tunogewe, isi ikuririmbane ubwuzu, itere imbere mu rukundo.
    6. Ifunguro ryawe udusangije, riranatubumbe mu kwemera, twizere ibizaza biruta ibi, dutere imbere mu rukundo.

    NI WOWE BUGINGO BUDASHIRA

    R/ Ni wowe bugingo budashira, Yezu Kristu rumuri rw’imitima, twiyegereze, tugire nkawe, uduture Imana yakuduhaye.

    1. Urukundo nyarukundo turubona iwawe, amahoro n'ibyishimo ni wowe, ukuri n'ubutabera ni ibyawe.
    2. Ni iki cyaruta kwitanga ugirira abo ukunda, nk'uko waducunguje umusaraba, duhe kuba intwari nkawe mu rukundo.
    3. Komeza utugire abawe mu rugendo rwacu, komeza ubucuti bwacu tukwizere, tuguture ibyo dukunda n'ibiturushya.
    4. Tugutuye abadukunda, tugutuye ibyiza, n'imirimo y'amajyambere nyayo, ibikorwa byacu bibe inzira ikugana.
    5. Ubuzima ku isi yacu ni intambara ityaye, oroshya imitima yacu tugusenge, duhe umwete n'umuhate mu nzira ikugana.
    6. Urubyiruko rw'i Rwanda rusonzeye ibyiza, ha umugisha abato bose bagusenge, ubatoremo abatoza mu rukundo.

    DUHABWE UMWAMI WACU YEZU

    R1/ Duhabwe Umwami wacu Yezu, we mugati muzima, tumutuze mu mitima yacu, tumukundire adukize.

    1. Ngwino Kristu ubane natwe, uvugurure abaguhawe, ubigishe gusa nawe.
    2. Mu Isakaramentu ry'Ukaristiya, abaguhawe urabatunga ukabatoza gusa nawe.
    3. Dore Umugati utanga ubuzima, uwuhabwa ntabwo azasonza, uwuhabwa ntabwo azapfa.
    4. Ngwino uture imitima y'abawe, uce inzangano zayigabije, uyisesure umucyo ukwiye.
    5. Isi yacu watwihereye, umwanzi sekibi arayigabije, ha abaguhawe bamutsinde.
    6. Kristu funguro ry'ubuzima, ha abaguhawe gushira inzara, bareke kurarikira iby'isi.

      R2/ Ganza Mwami, mu mitima y’abaguhawe, bakubere abahamya, bagushyire abatakuzi.

    7. Iri funguro Kristu utwihera ridukomereze ukwemera, kuko Kristu ubana natwe ukatwiyoborera
    8. Iri funguro Kristu utwihera riduha kuva mu cyaha, no gukomera ku murimo wo kugukorera.
    9. Mu mugati twese twakira duhabwa Yezu Kristu we wapfuye akazuka, akaba ari mu ijuru.
    10. Uwo mugati twese twakira utubumbira mu rukundo, maze tukaba umuryango umwe w'abayoboke b'ijuru.
    11. Mu gusangira Kristu Umwami, bishushanya uko tuzaba mu ijuru ku Mana Data hamwe n'abamuyobotse.

    YEZU WAJE KUBANA NATWE

    R/Yezu, Yezu, Yezu! Yezu waje kubana natwe .Waje, waje, waje, waje kudutunga none; ni Umubiri wawe duhawe, turagushima Mwimanyi.

    1. Tubona ishusho ry'umugati, wihishemo ntuboneka. Ni wowe wabitwemereye, uduhe kubikomeza.
    2. Ntacyo tugira kiri cyiza, n'intege ntazo dufite; ntitubasha kugira neza duhora tukugomera.
      1. Yezu ni wowe ugira ibambe, wemeye kubana natwe. Udukize, turakwizeye nta wundi tuzakorera.
      2. Nta wundi wadukunze nkawe, ineza yawe ntivugwa . Turi abawe turakwihaye, tuzareke ibiri ibyaha.
      3. Ukize n'abaguhinyura, ubagarure mu bawe bakomeze, boye gucibwa, bakwubahe, bagukunde.

    MU UKARISITIYA

    R/ Mukiza wacu, uri Ukarisitiya; ukunda abantu ni Wowe ubatunga. Twese dushima umutima wawe tukawusenga.

    1. Mu Ukarisitiya hari ukiza abantu, ni Yezu Kristu ni Umwana w'Imana, akunda abana be akabana nabo, nimumusenge.
    2. Yaremye abantu, arabatonesha, bamwanga bose akiza abamwanze. Abuzuza na Se ajya kubapfira. Nimumusenge.
    3. Yigize umuntu akiza abarwayi, yigisha bose n'ubu yatashye iwe. Ntiyaretse abantu akunda kubumva. Nimumusenge.
    4. Abanyacyaha twari kuzatsindwa igihe Imana izacira imanza. Ni Yezu wenyine utuma twizera. Nimumusenge.
    5. Tugira ishavu kandi tubabazwa n'ingeso nyinshi zidukomereye. Mu Ukarisitiya Yezu arazitubya. Nimumusenge.
    6. Bakristu twese nitugira ubwira duhabwa Yezu ntituzananirwa. N'abo dukunda bazakizwa na We. wapfuye akazuka akaba ari mu ijuru.

    YEZU NGUFITIYE INYOTA
    1. Yezu Kristu ni wowe mugati, umara inzara n’inyota, ngwino uhembure roho yanjye, kuko ifite inyota n’inzara.

      Uko impara yahagira ishaka amazi afutse, (niko nanjye ngushakashaka kuko ngufitiye inyota)*2.

    2. Yezu Kristu, buryohe bwanjye, ngufitiye urukumbuzi, ni ryari nzakubona, ngo uze iwanjye twibani.
    3. Yezu Kristu uri Umwami, umara inzara n’inyota, abafite inyota n’inzara, niwowe baza bagana.
    4. Yezu Kristu mukunzi wanjye, mpa gutungwa nawe, mbe muri wowe ube muri jye, maze umpe kutagushavuza.

    NITWEGERE AMEZA

    R/ Nitwegere ameza, duhabwe Umutabazi, waje kubana natwe twese, ngo atubemo tumubemo.

  • Mucunguzi duhabwa, Umugaba turakuririmba tukubyinire, tukurate Mushumba Mwiza.
  • Ifunguro duhabwa ni rizima ni ryo ritubeshaho buri munsi turirimbe duhimbarwe.
  • Ku meza Matagatifu, twibukaho cumi na babiri barisangira ayo meza ni aya Yezu kristu.
  • Ku munsi twibukaho ibirori by'izuka rya Yezu, Umwami mushya, ni Pasika Nshya iteka nshya.
  • Ijambo ry'Umucunguzi, ritwibutsa hakaba umugati na Divayi tubisangamo ubugingo bushya.

    Uri ifunguro ridutunga, ufite rwose uburyohe. Uhembura abawe bose tukwakire neza iwacu.

  • Umugati ni umubiri wawe, Divayi amaraso yawe, uba mu mugati na Divayi turabyemera rwose.
  • Umubiri ni ikiribwa, amaraso ni ikinyobwa. Tumuhabwe kenshi tudashidikanya, byombi Kristu ni wese.

    • YEZU MWAMI W’ISHEMA

    R/ (Yezu)*2 Mwami w’ishema, (Yezu)*2 umara agahinda, (uze)*2 kudukomeza, (turakwambaza)*2 mwimanyi.

    1. Ni Wowe duhabwa, mu Ukaristiya, uyibamo rwose turabyemera.
    2. Mukiza w’abantu, turakwambaza, udukize ibyaha, tukuyoboke.
    3. Uze kudutunga, ni wowe ukiza, utazaguhabwa ntabwo azabaho.
    4. Ushobora byose, turananiwe, ni wowe twizera, uze utuvune.
    5. Nyir’ibintu byose, turi abakene, ni wowe ubitanga, bitugabire.
    6. Turi abana bawe, uturengere, twe ntacyo tubasha, tutari kumwe.
    7. Ni wowe twifuza, utwizihize, ni wowe dukunda, uradukize.

    BAKUMENYE

    Bakumenye wowe Mana nzima bakumenye, bakumenye wowe Mana nzima, bakumenye, wowe Mana nzima bakumenye.

    1. Ndagusabye ngo umwana wawe umuheshe ikuzo, wowe Mana nzima, bakumenye, kugira ngo n’Umwana wawe aguheshe ikuzo.
    2. Ndagusabye ngo uhe ubugingo abo wampaye, ubwo bugingo ni ukukumenya Mana imwe y’ukuri, dore ubu namamaje izina ryawe kuri bose, kandi Dawe nkwiyeguriye ari bo ngirira.
    3. Dawe komeresha izina ryawe abo wampaye, kugira ngo babe umwe nk'uko ndi umwe nawe, abo wampaye narabaragiye mu izina ryawe, narabakomeje nta n'umwe muri bo najimije.
    4. Ndasabira abazanyemera kubw’ijambo ryawe, kugira ngo babe umwe nk'uko ndi umwe nawe, mbasabiye ko na bo bunga ubumwe muri twe, kugirango isi yemere ko ari wowe wantumye.

    UWO TWIHEREWE N’IJURU

    R/ Yezu, Wowe twiherewe n’ijuru; twakunganya iki? Tuzazirikana iteka ubuzima bwawe bwicisha bugufi, tuzabubwira abandi, mbese bose bakumenye. Tuzi y’uko udushakira umukiro, kandi ko udatoranya, amahanga ubu nakuyoboke, wowe Mwami Mwami, duhaze ingabire zawe. Turakwiyeguriye, maze uzatugeze mu ijuru i Jabiro.

    1. Yezu waje kudukiza, guma hano ni Wowe Muhoza.
    2. Rumuri rwacu, Nyir'ingoma, gahore uganje aha mu biremwa.
    3. Zuba rirasiye mu mitima y'abo wakunze ukabana na bo.
    4. Tukweguriye ukubaho kwacu, gahore utuye imitima yacu.

    FUNGURO RY'UBUZIMA

    Kristu ni wowe (ni wowe) funguro ry’ubuzima. Ni wowe twese duhabwa tukaruhuka; tugasusurutswa no kwibanira nawe ubuziraherezo. Turagushima, turakurata wowe Mwami nyir’ubuntu; uradukunda ukaduhaz’ingabire zawe. Shimwa Mana Rukundo, wowe duhabwa tukaruhuka.

    1. Ni wowe funguro ry’ubuzima, uguhabwa ntazasonza, uguhabwa ntazapfa umurinde igihe cyose.
      Gahore usingizwa Yezu.
    2. Abaguhabwa barahirwa; ubahaza umukiro, bakava mu mwijima, bakaronka ubuzima buva iwawe.
      Gahore usingizwa Yezu.
    3. Uradukunda bihebuje, witanze ku musaraba udukiza ingoyi ya Nyakibi. Uduhe umurage iwawe.
      Gahore usingizwa Yezu.

    MFITE INYOTA N'INZARA

    R1: Mfite inyota n’inzara (x2).
    Nsonzeye ineza yawe Yezu, mfungurira.
    Nsonzeye impuhwe zawe Yezu mfungurira.
    Nshonje amahoro utanga Kristu, mfungurira.
    Mpaza urukundo rwawe Kristu, mfungurira.
    Ni wowe wenyine funguro ry’ubuzima. Ndaje ngo umare inzara n’inyota, Kristu mfungurira.

    1. Yezu mbaraga zanjye, riba mvomaho impuhwe,
      Yezu rukundo rutagira umupaka.

      R2: Ndaje Mukiza, ndaje ngo unkize, Yezu, nsonzeye ijuru, Umubiri wawe n’amaraso yawe ni zo mbaraga zanjye iteka Mwami.

    2. Yezu Mukiza wanjye, mpa kugukomeraho,
      Iyo ngusanga umutima uratuza.
      Ndaje …
    3. Yezu munezero w’umutima wanjye,
      ndanyurwa iyo ndi imbere y’ubwiza bwawe.
      Ndaje …
    4. Yezu bubasha bw’ijuru, Jambo mwen’Uhoraho,
      mpa kugukunda na roho yanjye yose.
      Ndaje …
    5. Mirukiro y’imbabare, funguro ry’abarushye,
      Yezu bubasha buhoraho iteka.
      Ndaje…
    6. Mwami wisesuye ikuzo ukwiye igitinyiro,
      Izina ryawe nirihabwe icyubahiro.
      Ndaje …

    KRISTU WOWE BUGINGO

    R/ Kristu wowe Bugingo (wowe bugingo), Kristu wowe bugingo, Kristu wowe bugingo, ndaje unyiyoborere.

    1. Ubuzima bwanjye bwose nabaye intagoheka, ndaje unyiyoborere.
      Ngo ndashakashaka hose icyankomeza umutima, ndaje unyiyoborere.
    2. Nashakiye mu bukungu nyamara bwanze kugwira, ndaje unyiyoborere.
      Nashakiye mu maraha, andoha mu mukungugu, ndaje unyiyoborere.
    3. Nirukanse inyuma y’ikuzo nsarura inzangano, ndaje unyiyoborere.
      Nishinze abashaka benshi naho bishakira indonke, ndaje unyiyoborere.
    4. Naretse gusenga nibwira ngo ibyo ni iby’abatindi, ndaje unyiyoborere.
      None ubu agahinda ni ko kanshenguye umutima, ndaje unyiyoborere.
    5. Nishinze ubusore bwanjye ngirangontirizarenga, ndaje unyiyoborere.
      Nihambiriye ku by’isi nyamara sinzabijyana, ndaje unyiyoborere.
    6. Urumuri rwawe Kristu ni rwo rumpumurije, ndaje unyiyoborere.
      Runyeretse ko ubukungu nyakuri bwibera iwawe.

    AMAGINGO YA YEZU

    Amagingo ya Yezu ni aya: imitima yacu nihugukire kumenya Imana nta shiti; ni We mizero yacu.

    1. Tuvuga ubuhanga bwe, n’ubwiza bw’umutima n’amahoro n’impuhwe bigirwa n’ubutabera n’ubutagatifu
    2. Imbuto z’ubutabera zibibwa mu mahoro ku batera amahoro bazira uburyamirane n’uburyarya.
    3. Roho uzadukiza ni We uzatuyobora mu rukundo nyakuri kandi rw’igisagirane rwuje icyubahiro.
    4. Nzohereza Roho wanjye azazane itoto, ahari ubutayu n’ahari ubumuga hose havugwe ubuzima.
    5. Abafite inyota bose nibegere amazi, Nyagasani duhe kuri ayo mazi y’ubuzima ntituzanyoterwe.
    6. Maze abana banyu bose bavuge iby’Imana, abato n’abakuru bose bazabonekerwe n’ibitagatifu.
    7. Nzabaha umutima mushya mbakuremo ukomeye, mbaharage uworoshye, mbahe Roho w’umuhoza mukazabana.

    KRISU MWAMI W’ABANTU

    Kristu Mwami w’abantu, Kristu Mwami ganza nyakuganza, ganza waratsinze, wowe Mwami rukumbi tegeka amahanga yose uzahora uri Umwami imitaga n’imitaga.

    1. Kristu Mwami w’abantu, nyir’ingoma zose z’isi, nyir’ibyiza byose bibaho, nyir’icyubahiro n’ikuzo, ratwa ganza.
    2. Kristu Mwami w’abantu, weguriwe imanza z’abantu; kuri wa munsi w’urubanza twese tuzakunyura imbere Mwami udukize.
    3. Kristu Mwami w’abantu, watsinze icyago sekibi, utsinda icyaha n’urupfu, utugira abana b’Imana yihitiyemo.

    MUZE TUMUHABWE

    Nguyu umukiza nimuze atuyobore, nguyu umukiza nimwegere ameza tumuhabwe twisukuye ature iwacu, yaje, hahirwa abamuyobotse; abahuriza mubumwe no mu rukundo rudakama, maze bagahinduka bashya, bakabera isi urumuri, natwe nitumwakira tuzagira umugabane mu ijuru.

    1. Kristu ni We mugati w’ubuzima, umuhabwa ntiyigera asonza, kandi umwemera wese ntazagira inyota Yezu aramukiza.
    2. Hahirwa abasonzeye ubutungane kandi bakabugirira inyota; barahirwa bose kuko bazahazwa, kuko bazahazwa.
    3. Abarushye n’abaremerewe n’imitwaro, cyo nimuze dusange Yezu; mwigira ubwoba aradukunda, muze aturuhure, Yezu arahoza.
    4. Uwitwa umuvandimwe wa Yezu Kristu ni ukora ugushaka kw’Imana. kandi unyura inzira ifunganye ni we uzatura mu bwami bw’ijuru.

    URI MUZIMA MU UKARISTIYA

    Uri muzima Yezu, uri muzima kandi urakiza, uri muzima Yezu mu isakaramentu ry’Ukaristiya.

    1. Uri umunyampuhwe Yezu
    2. Uri rukundo …
    3. Uhora utuje …
    4. Uri incuti nyayo …
    5. Uri rwagati yacu …
    6. Shengererwa…
    7. Rangamirwa …
    8. Singizwa …
    9. Shimirwa…

    GUSHIMIRA IMANA

    KUZWA ITEKA YEZU MWIZA

    Kuzwa iteka Yezu mwiza, kuzwa n’abakristu bose, bakurate, bagushime, babe imbata zawe bwiza.

    1. Yezu ugira ubuntu bwinshi, wemeye kwigira umuntu, ugira ngo ubane natwe tumenye ingoma y’Imana.
    2. Yezu ugira ubuntu bwinshi, wemeye kutwigisha, uduhishurira ihirwe ko dusangiye Umubyeyi.
    3. Yezu ugira ubuntu bwinshi, wemeye no kudupfira, umena amaraso yawe, wuzuza urukundo rwawe.
    4. Yezu ugira ubuntu bwinshi, wagaragaje umutsindo, maze uhumuriza abawe bamenya ko muri kumwe.
    5. Yezu ugira ubuntu bwinshi, wiremeye Kiliziya uyiha amasakramentu, uyiha ubuzima bwawe.
    6. Yezu ugira ubuntu bwinshi, waduhaye Roho wawe, ngo atwigishe ibyo wavuze ko turi abana b’Imana.

    NAKUSHUKURU BWANA

    (Nakushukuru ee Bwana, kwa mema yote unayonitendeya, katika maisha yangu)*2.

    1. Tangu utoto wangu, umenipenda sana, ukanipa uzima, tena ukanilinda, shukrani kwako ee Baba Mungu wangu.
    2. Bwana ni mwanga wangu, Bwana mchungaji wangu, hata napata magumuu, sitaogopa kitu.
    3. Umetuondolea, kwa kifo cha mwokozi, akafa msalabani, kwa ajili ya watu.
    4. Aksanti kwako Bwana, kwa chakula cha Roho, ulichotugawia, katika misa hii.
    5. Twakushukuru Baba, twakuabundu Bwana, tunakushangilia, kwa Roho Mtakatifu.

    URI MWIZA YEZU

    Uri mwiza Yezu, uri mwiza wese, uri mwiza rwose, nzahora nguhanze amaso, nzahora nguteze amatwi kuko nziko umukiro wose uganje iwawe, nzahora nguhanze amaso, nzahora nguteze amatwi, kuko nziko amahoro yose atangwa nawe.

    1. Uwasogongeye ku byishimo byawe, ni iki kindi yararikira mukundwa? Ntacyo, ntacyo,

      R2/ Nzigumira iwawe mwami waducunguye, impuhwe n’urukundo byawe abe aribyo bimbeshaho.

    2. Mpa kugukunda Nyagasani ndagusabye, kuko urukundo rwawe rundutira feza na zahabu by’isi. +R2
    3. Mpa umutima utuje ndagusabye, umpe umutima wiyoroheje mukundwa umeze nk’uwawe. +R2
    4. Usuzume intege nke zanjye buri gihe, umpe gutwaza ngukurikire undinde icyantanya nawe. +R2
    5. Mpa kugukorera ubuzira kwiganyiriza, umpe kugufasha gukiza abantu iyi si yacu iramirwe irokorwe. +R2
    6. Abagushakashaka bose biyereke, abo nyakibi yigaruriye ubagoboke ubagarure mu bawe. +R2

    MANA IDUKUNDA

    Mana idukunda byahebuje, shimirwa ibitangaza udukorera, aya majwi yacu nakunyure mubyeyi uturinze, tugutaramiye tugutetera mubyeyi utaduhana.

    1. Watwihangiye udukunze mugenga, uturema mu ishusho yawe, turabigushimiye.
    2. Waduhaye umugisha n’umwuka wawe, uduha kugenga ibyo waremye byose, turabigushimiye.
    3. Waducunguje umwana wawe w’ikinege, aturokora ingoyi y’umwanzi gica, turabigushimiye.
    4. Waduhaye ishema kiriziya ukunda, ubumwe bw’abakwemera bakugana, turabigushimiye.
    5. N’iyo tugucumuyeho ntiducibwa, kuko ukunda nyir’umutima wicuza turabigushimiye.
    6. Mu bihe by’amage niwowe buhungiro, uwaguhungiyeho ntahungabana turabigushimiye.
    7. Nta wakwiringiye wikoreye amaboko, kuko ibyaremwe byose bigengwa nawe.

    UMUTIMA WANJYE UGUFITIYE INYOTA

    R/ Umutima wanjye ugufitiye inyota, umubiri wanjye ukagira urukumbuzi, meze nk’ubutaka bw’agasi bwabuze amazi bukumirana.

    1. Mwami Mana yanjye nzakubona ryari ko nkumbuye iwawe nzahagera ryari, mpa kwibera iwawe, ni wowe Nyir’ukuboko k’ubutwari, n’ikiganza cyawe kikadukiza.
    2. I yeruzalemu nshya nzahagera ryari, ku musozi mwiza umwe wa Siyoni nzibanira nawe, ni wowe Nyir’ukuboko k’ubutwari, n’ikiganza cyawe kikadukiza.
    3. Umutima wanjye wibutse ijambo ryawe, wowe wambwiye uti: “hindukira undebe”. None nje ngusanga, ni wowe Nyir’ukuboko k’ubutwari, n’ikiganza cyawe kikadukiza.
    4. Bwiza buzira inenge ngwino hafi yacu, ngwino rugori rwera ngwino hafi yacu duhorane nawe, ni wowe Nyir’ukuboko k’ubutwari, n’ikiganza cyawe kikadukiza.
    5. Ubutabera bwawe ntacyo bwagereranywa, n‟impuhwe n‟urukundo byo birahebuje, ni wowe Mubyeyi, ni wowe Nyir’ukuboko k’ubutwari, n’ikiganza cyawe kikadukiza.

    EREKEZA UMUTIMA KU MANA

    Erekeza umutima wawe ku Mana, ihatire gusenga uyiture byose, erega rwose ikunda abayigana, impuhwe zayo zihumuriza bose.

    1. 1.Mbe mutima wanjye singiza Uhoraho, n’icyo ndi cyo cyose gisingize izina rye; ni We mahoro niwe ugaba ituze.
    2. Yaradukunze cyane yemera kutwiha, ni bwo yohereje Jambo ngo aze kuducungura; ni We mahoro niwe ugaba ituze.
    3. Ni indahemuka ni nyir’imbabazi. ineza yayo ni yo idutunze; ni We mahoro niwe ugaba ituze.
    4. Niba wishimye shimira Uhoraho, koko ni We soko y’umukiro uhoraho; ni We mahoro niwe ugaba ituze.
    5. Niba ubabaye sanga nyir’ibambe, umwiyereke, akwihoreze; ni We mahoro niwe ugaba ituze.
    6. Niba ukunda uzaronka ihirwe, ukomereze aho, uri kumwe n’Imana. ; ni We mahoro niwe ugaba ituze.